1 Samuwel 22:7 - NABUWWA KEE MALIKWA

⁷ Too waqdi qaskar abbobtik iyyeemih, «Isin, Benyam maraw! Dawud takkeenimik inkih baqurê-baaxo kee, qinab elle taysubuken baaxo siinih aceelem maay takkalen? Hinnay kaadu isi qaskarak abbobti sin abelem maay takkalen?

1 Samuwel 22:7 Referans Kwoze

1 Malikwa 12:16

Yemeete mari, malik yab keenik aabbe cinem yublen waqdi, «Ah maca neh xiqee, Dawud kee Dawuduk rade mara? Nee kee keenik maca tangalee? Kata labhay, nee beya! Racabqam ahaysa isih faxem abbaasitay» iyyen. Tohuk wadir Israayil mari woo xintol saduh gacen.

Yasaqya 11:10

Too ayro Dawud abbah yan Yiisak rade num, baadal tan ummattah inkih asta yakku waa simbil akkele. Mango mari kas kee fayu kaak beetelon. Usuk elle yan ikkel muxxo le nabna gacele.

Yasaqya 11:1

Yiisak rade maray malikwâ-nasab le, yirgiqen caxah buxuxih bis aallele. Takkay immay woo yirgiqen caxah buxuxuy saaboh raaqehiyya saadeleh, caxah-ramiidak luddi awqele. Yiisak rade marak qusba malik tonnal awqele.

2 Samuwel 20:1

Too waqdi umaanek abbah yan numuy migaaqah Bikrí-Sabaq deqsitaah kedok Benyaamah yoobokehiyya Gilgal magaalal suge. Too num baanta yoogoreeh anay fayya haak, «Israayil maraw, Dawud neh yakkem mali. Yiisâ-baxi Dawud ni num hinnak, kulli num isi buxah siinik yaduuray» iyye.

1 Samuwel 25:10

Sarrak Nabal iyyeemih, «Sugay, anu Dawud akak iyyan num inkinnah maabbiyo. Yiisâ-baxa akak intaanam iyyaay? Axayyu is yeddere marak kudda naqoosa isih waktiik temeggeh tanik!

1 Samuwel 22:13

«Hay toobbek, koo kee Yiisâ-baxi yi umaanel akah malisseenim maca? Kaah maaqo kee seef akah teceem macaa? Yallal fayu kaah akah essertem macaa? Usuk a saaku naqboyta yok yekkeeh, yi qidimih raarot yoh yanik» iyye.

1 Samuwel 22:9

Doweg too waqdi Saawul qaskar lih soolak sugeeh iyyeemih, «Anu Yiisâ-baxi, Noob magaalal Aciitúb-Acimalek fan gexah ubleh.

1 Samuwel 20:30

Too waqdi Saawul Yonaatanat kaxxam bagcarriteeh, «Kee ilmoytow, Yiisâ-baxa qaxat gacteeh, is kee isi ina qawratak qida num tekkem away kok ableh an.

1 Samuwel 20:27

Takkay immay too qiidih edde asan nammeyhaytoh ayro, Dawud elle daffeyak yen arac kaadu foyyah yanim yuble waqdi, Yonaatanak, «Yiisâ-baxi kimal akah amaaate weeh, a saaku kaadu akah amaate weem macaay?» iyye.

1 Samuwel 18:14

YALLI Dawud lih yeneemih sabbatah, Dawud abba hannaanim gabal kaah bicak ten.

2 Samuwel 18:1

Dawud isi mara gaaboyseeh, alfitteh abbobti kee boolitteh abbobti ken amol hee.

1 Aydaad 12:16

Benyam kee Yuudâ kedoh yooboke marak garab Dawud elle yan aracay amô-reebu lehiyya yemeeten waqdi,