1 Samuwel 22:6 - NABUWWA KEE MALIKWA

⁶ Ayrok teena Saawul, Gibqâ-magaalal tan koomal tan saagantoh gubal, macaxu gabat leeh daffeyaah, kay qaskarih abbobti kaadu kay xaqul daffeyak elle sugte ikkel, Dawud kee kay qaskar geytinteh, 'yaanamih xaaguh yoobbe.

1 Samuwel 22:6 Referans Kwoze

1 Samuwel 20:33

Toh iyye waqdi Saawul, Yonaatan qidam faxeeh, macaxu kaa fan qide. Tonnal, Yonaatan isi abba Dawud qidam faxam yeexege.

1 Samuwel 19:9

Ayrok teena YALLI Saawulut ginni ruubeeh; too ginni xagar kaak yimlikeh. Too waqdi buxah addal macaxu gabat luk daffeyak suge. Dawud wokkel *begena digirak suge.

1 Samuwel 18:10

Nammayhaytoh ayro garciik Yalli ruube ginni Saawulut culeeh xagar kaak yimlikeh. Isi qarih addal cissit ane sinni numih innah gabaak yaabe. Too waqdi Dawud kulli saaku akah abak yene'nnah *begena aagaruk kaa sahhaloysam yekkele waqdi, Saawul, «A gabat abbixe macaxuh kaat heeh gidaarat kaa maay xakbiso?» 'yaanam kaal temeete. Tohuk lakal woo macaxu namma adda kaat haa'gidih qide. Dawuduh tu gactek, namma adda inkih walel is raaqise.

Makaabon 4:5

Ta barra qaleela-le-Efrayim-baaxok Raama kee Beetal deqsita aracak fanal ten nakliitâ-caxak gubal daffa 'tah cokmaabak ten. Tonnal too nakliita, Deboorâ-nakliita iyyen. Israayil mari cakki goranah tet fan gexak yen.

1 Samuwel 14:2

Kay abba woo saaku Migroon deqsita aracal rummaantô caxah gubal yinfiddigeh yen. Migroon deqsita arac Gibqâ-magaala kaxxam xeeruk mananna. Saawul lih laca boolih num yen.

1 Samuwel 31:13

Sarrak woo carrisen raysak raqte lafoofi gaabossa heeniih, woo magaalah addal ten saagantô gubal yoogoqen. Tohuk gaba kalla heen waqdi, kay rabih rookah malcina ayro soomuh asen.