1 Samuwel 22:2 - NABUWWA KEE MALIKWA

² Gibdaabini elle suge mara kee, mago edde sugte mara kee, ruffa alle wannaan mari inkih kaa fan yemeete. Too mari tittat affara boolih num yekkeeniih, Dawud abbah keenik gace.

1 Samuwel 22:2 Referans Kwoze

1 Samuwel 30:6

Dawud maray xaylo seewah akak beenihiyya kaxxam bagcarriteenih yeneenih; Dawud xeetit qidaanam faxak yenen. Tonna-leemik kaxxa gadaama Dawud tibbixe. Takkay immay YALLAY kay Dagelta kinnihiyya kaa cateh, agiirite.

1 Samuwel 25:13

Toh yoobbe waqdi Dawud isi marak, «Seef ittikiya» iyyeeh, isih isi seef ittikiyya heeh, affara boolih num is lih hayyaay, namma boolih numuy maaqoh amo wagtu waa wokkel elle cabba heeh daqaarime.

1 Samuwel 23:13

Too waqdi Dawud kee kay maray mangah lica boolih num akkuk sugtehiyya foorteh. Elle gexen ikkel inki aracal maadayinnoonuy aracak arac gexen. Saawul, Dawud Kaqiilak kudeh gexe, 'yaanam yoobbe waqdi kaa makataatinna.

1 Samuwel 9:16

«Beera ta uddur Benyam kedoh yaabuke num kol ruubeyyok, Israayil amoyta yakke'gidih kaa uskut. Usuk Filistiin marih gabak Israayil catele. Yi mari abe biyak kee catô-goranah aben weeqa keenik oobbeh an» 'yaanam iyyeh yen.

Makaabon 11:3

Too waqdi Yeftac isi toobokok kudeeh; dabqih Toob deqsita aracal gace. Tokkel qamallitte kaa tossokooteeh, kay mara yekken.

2 Malikwa 20:5

«Malik Ciskiyyaahuy yi-ummattah amoytah yani fan uduuray kaak intaamah, ‹Yoo YALLAY ku kaxxa abbah yan Dawuduk Dagelta kinnihiyya atu abte dooqa kok oobbeeh, namma intik caxxe ximo kok uble. Koo uruseyyooh, sidiica ayroh addat woo yoo elle yaqbuden qari fan gexetto.

2 Samuwel 17:8

Macaay intek, ku abba kee kay mara qeebil celeema kinnoonum atu isih taaxigeeh; qeebit culla 'yeenik wadir baxa akak been say-kabqih (wacroh) bis lon. Eddeey edde ku abba qeebi elle aban inna nagay yaaxigeeh; tonna kinnuk a baraa, qaskar elle tani'kkel maxiina.

2 Samuwel 5:2

duma Saawul suge saaku carbi yakke way, ni marih foocat sugtem kook ten. YALLI kaadu isi mara miraacisah dacrisa abba koo abeleemih qahdi koh culeh yen» kaak iyyen.

Makaabon 18:25

Too waqdi kaak iyyeenimii, «Numow, gabat nek rabtam faxe waytek, qangara mayaabinay tibba 'xicay, uduur. Sarrak naqabu le mari net yaniih, too mari koo kee ku buxah marat qeebi abelon; num siinik macabaanay sella sin haanam koh mataysak, tibba 'xicay gex» kaak iyyeeniih;

1 Samuwel 22:3

Dawud tokkek Mixfa deqsitta magaalay Mooyab rasul tanihiyya fanah gexe. Tokkel Mooyab malikik iyyeemih, «Ku maganah anu innih Yalli yoh loowam geyam fanah, yi ina kee yi abba ko'lih sugtay 'xic» iyye.

2 Malikwa 4:1

Butta takke nabuwwak numuk teenah yen nabik raqte gubna Eliisaq fan temeeteeh kaak inteemih, «Yallih numow, baqli yok rabeh; yi baqli akah taaxige innah, YALLIH meysi le numuk ten. Duma magoh maalu akak beeh suge num, woo magoh aftok, lab-xayloh nammay yok naqoosannuh beyam faxa» inte.