1 Samuwel 22:14 - NABUWWA KEE MALIKWA

¹⁴ Acimalek kaak iyyemii, «Lito qaskar abbobtih addat Dawud gide diggak le num mayana. Toh lih kaadu balluh kok yaniih, ku dacayrit tan qaskarak inkih abbah tanim kaa. Tohuk kalah kaadu ku buxah addal kulli num kaa yassakaxxe.

1 Samuwel 22:14 Referans Kwoze

1 Samuwel 20:32

Yonaatan abbal gacseemih, «Maca baaheeh macal raba?» iyye.

1 Samuwel 26:23

Digga iyyeeh cakkit tanim aba num YALLAK galto mawaa. A saaku YALLI yi gabah gubat koo qideh suge'mmay, kooy YALLI malik abehiyyal umam mabaahinniyo.

1 Samuwel 24:11

Kameesik exxâ-baxa kok irgiqeeh, woo exxa ah teetiy gabat abbixe. Koo qidam niyat luk sugaamal, too way koo qidak en. Koo qidaamih fayxi alle waam tahal yok ixig. Yooy tu kol baahe weehiyyah qidimih yoo gorrisak takke fan temeetem koo.

1 Samuwel 22:13

«Hay toobbek, koo kee Yiisâ-baxi yi umaanel akah malisseenim maca? Kaah maaqo kee seef akah teceem macaa? Yallal fayu kaah akah essertem macaa? Usuk a saaku naqboyta yok yekkeeh, yi qidimih raarot yoh yanik» iyye.

1 Samuwel 21:2

Dawud iyyeemih, «Malik caagidih emeete'mmay, anu akah emeete taama kee abam faxam malik, ‹Numuh mawarisin› yok iyyeh yan. Yi marah tu gactek keenit elle angaarawu waa arac keenih heeh anik,

1 Samuwel 18:27

Dawud kee kay mara gexxeeh; Filistiin marak namma bool num qideenih yemeeten. Kombor-arooba bahha heeh, malikik foocal lowwa heeh, namma bool duudussa kaal hee. Tohuk wadir, Saawul is baxá rihimih kaah yecee.

1 Samuwel 18:13

Tonna-leemik isi buxak beyya kaa heeh, alfi takke qaskarak abba kaa abe. Dawud isi marak foocat gacca 'yeh carbi-booxa fan ken bee.

1 Samuwel 17:25

Sittak iyyeenimih, «A num Israayil mara elle bursuta'nna ubula» iyyen. «Malik Saawul a num qidu waa numuh kaxxa acwa aceeleeh, kaadu isi baxá digibih kaah abele. Kay buxah marak gabbara mabeya» sittak iyyen.

1 Samuwel 25:28

Anu baahe qellat eellek, qafu yoh ab. Atu abtam YALLI kok aba iyye carbi kinniimih sabbatah, koo kee kok raddem inkih malikwa akketton. Addunyâ bagul tanim fanah, umaane elle geytinta num akke koo kalay.