1 Samuwel 20:13 - NABUWWA KEE MALIKWA

¹³ Umam kol baahu waam faxam ublek, kaadu koo aysixxigeyyo. Koo aysixxige weeh, amaanah akah tasillime innah abe week, YALLI uma rabah yoo qiday. Toh too tiya. Taway kok axcemii, YALLI duma yi abba lih akah suge innah, ko'lih yanay, ku qaxa yakkay.

1 Samuwel 20:13 Referans Kwoze

1 Aydaad 22:16

dahab kee lakqo kee nacaas kee birtak mansafwâ-bicsa yaaxigehiyya kaadu lito. Tahak wadir taama qimbissaamaay, YALLI koo elle catay» kaak iyye.

1 Aydaad 22:11

Qagissa heeh kaak iyyeemih, «Tonna'mmay, yi baxaw, YALLAY ku Dagelta kinnihiyya isih xagana akah culla 'ye'nnah, kay Qibaadah-Qarih-xisne ku gabat bicsa'gidih, ko'lih yanay.

1 Samuwel 17:37

YALLAY lubokwa kee gersi alluwwak yoo catehiyya a Filistiin numuk yoo catele» iyye. Saawuluuy, «Meqeh hay, YALLI ko'lih yanayak gex» kaak iyye.

Ruut 1:17

Rabi yok, atu elle rabtu wayta ikkel akkeleeh; magaq yok ku magaqa lih gacele. Koo dibuk cabaanamak, YALLIH digaala yot takkem tayse. Rabak sarra tittak nee baxissam matana» teetik inte.

Yoosuwa 1:5

Tonna'mmay Yoosuwaw, atu addunyal tanim fan qeebil num kok mayaysaay; anu kaadu Muusa lih akah suge innah ko'lih aneyyo. Kok mabaxsimaay way koo macaba.

1 Samuwel 3:17

Too waqdi Qeli, «Yalli maca kok iyye? Kok iyyeemik tu yok maaqurin. Yok uqurra haytek, Yalli kot cabe way» kaak iyye.

1 Malikwa 20:10

Sarrak Banihadad wadirih woo marat gersi farmo ruube. Iyyemii, «Ama elle tan ku magaala bayisu waa mara koh ruubeyyo. Riirak gabat beyaanam tu maraqta. Tah abe wayya heek, yallitte yoo bayissay» iyye.

1 Malikwa 19:2

Too waqdi is Eliyyasah farmo rubteeh kaak intemii, «Beera ta uddur atu nabuwwak abba haytem kok abe week, yallitte foyya yoo abtay» inte.

2 Samuwel 19:13

Kaadu qagseh iyyeemih, «Qamaasak intaanamah, ‹Atu ramad yok kinnito. Ahak wadir Yowab le qaskar-abbootanna koh aceeyyo. Tah abe week, Yallih-bala yol obtay› iyye kaak inxica» keenik iyye.

2 Samuwel 7:15

Saawuluy atu arac akak raaqissehiyyak akah abe'nnah, abak suge cato kaak margiqa.

2 Samuwel 3:35

Tohuk lakal tokkel suggu 'ye mari Dawudul yemeeteeh, «Ayro tan way maaqo ukumey» 'yeenih kaa kallacen. Takkay immay Dawud, «Yalli yoo qiday, bari yakkeemik naharat maaqo akme waamah» axcuk xiibite.

1 Samuwel 25:22

Maaci maacisaamak naharal kay marak num cabe'kal selli hee week, Yalli faxe umaane yol baahay!» 'yaanam isi bagul axcuk suge.

1 Samuwel 18:12

Too ayrok wadir Saawul, YALLI isi cabeeh Dawud lih yanim yubleeh, Dawuduk meysitak raaqe.

1 Samuwel 14:47

Saawul Israayil malik tikka 'yeemih kulli ikkel naqboytiitih isik enna 'ya marat qeebi abak suge. Mooyab-maraay Qammon-maraay Edom-maraay, tonnah kaadu, Xooba kee Filistiin-malikwat inkih qeebi abak suge. Qeebi lih abinnaan marak iisa orbisak yen.

1 Samuwel 10:7

Taham tikka 'tek wadir, Yalli ko'lih aneleeh; kot ceelinnaanim abetto.

1 Samuwel 19:3

Atu uqurat edde tani ikkeh gari amma inna waqdi, yi abbah foocal sollu exceh ku giddinaamat kaa'lih yaabeyyooh; iyyam yellek, koo aysixxigeyyo» kaak iyye.

1 Samuwel 20:12

Sarrak Yonaatan Dawuduk iyyeemih, «YALLAY Israayil doore Dagelta kinni ni sumaq yakkay. Beera hununuh ta uddur kee beeca kaadu yi abba lih yaabeyyo. Ku giddinaamak meqem koh yacsubem ublek, farmo koh ruubeyyo.

1 Samuwel 20:14

Gersi tiyak kaadu kok axcemii, addunyal anim fanah yoo mahawweeninay, YALLI sinaamah akah muquk suge'nnah, atu kaadu meqem yoh ab. Rabe yoo tekkek, yi buxah mara mahawweeninay, meqem keenih ab. YALLI ku naqboytit baysa saaku, ni fanal yan Yalla-kee-xagani baye waama. Too Yalla-kee-xagana maktek, YALLIH digaala kol obtay» iyye.

1 Malikwa 1:37

YALLAY ko'lih sugehiyya kaadu Suleeman lih gacay. YALLI kay dardaarinni ku dardaarinnak kinni-way nabnah yaysiisay» iyye.