1 Samuwel 2:25 - NABUWWA KEE MALIKWA

²⁵ Num numul umam baahek, woo umaanek YALLI kaa catam takkeh, immay, YALLAL dambi lem baahe num YALLIH digaalak iyyi cata? Maabina, yi xayloy» keenik iyye. Takkay immay YALLI uma raba keenih faxeemih sabbatah, abba yab moggolinnon.

1 Samuwel 2:25 Referans Kwoze

1 Samuwel 3:14

A dambi, faxe sadgat abaanamahaay faxe mattaco yeceenimih ahak wadir daayiman keenit cabe waamah kaah xiibiteh en» iyye.

Yoosuwa 11:20

YALLI a mari inkitanuuk Israayil marih gabat akah yambaxeeniih; Israayil mari saabo ken akah cabsiisa innah, Israayil marih qeebit ken ugse. YALLI dumaak, «A marah maracmatina; qeebit selli hee ikkal macabina» 'yaanam Muusa amriseh yen.

2 Aydaad 25:16

Yaabak fanat kaak radda 'yeh, too tiyak malik kaal gacseemihii, «Malikih fayu yecee num koo abtem iyyaay? Ahaysa yab eyseed; cintek, rabi gadda akketto» kaak iyye. Nabi fayuk kaak yeedeeh immay, qangara kaat heeh, iyyeemihii, «Ta saaku Yalli baati koh loowem ableh an. Toh elle ablemii, umaanek ta axxul lem abba hayteh, away yi fayu cintaamal kok ableh an» kaak iyye.

1 Malikwa 8:31

«Sahdaytuk, ‹Qellat bahte›, 'yeenih kaa xiibsisaana'gidih, ta Qibaadah-Qari fan kaa baahen ken tekkek, too num ‹Anuy baahem mayyu› 'yaanam axcuk Qibaadâ-Qaril yan sadgat elle aban aracih foocal xiibite kaa tekkek,

1 Malikwa 8:32

too waqdi, yi Dageltaw, qaraanak ken ankacisaay, cakki le num uybulluy. Qellat le numul celta digaala kaat abaay; qellat baahe wee num currih rub.

2 Aydaad 10:15

Aham duma akkelem YALLI, nabi-Aciiyah-afat Yarobqamah warseh sugeeh; tohuk gexxaamah Racobqam ummatta faxxam abam cineh. Siilol yoobokeh yen Aciiya deqsita nabi iyyem nummak maacisse.