1 Samuwel 2:12 - NABUWWA KEE MALIKWA

^12-13 Qeli qamal-uma xaylo luk yen. Kay xaylo YALLAT baaqid luk manannaay, hinnay kaadu YALLAH-aban-sadgatak seekah yaceen aftot baaqid luk manannon. Num sadgat aba'gidih wokke yamaate waqdi, ken taamah afat yan num sidiica af le malkaqay cado edde mudaanahiyya luk amma 'yaah,

1 Samuwel 2:12 Referans Kwoze

Ermiyaas 2:8

Seeka, ‹YALLI maca abeh?› maxacinna. Anu ruube xinto barsa mari yoo aaxige cineh. Baaxoh-abbobti anu niqibyo taamat asen. Oson nabuwwah luk sugen mari yaabe kaa tekkek, ‹Baqal woh iyye; ah iyye› 'yaanam keenik axcuk, isinnih kaadu tu xiqe sinni duyyey gabak bicseenihiyyah qibaadat gacen.

Makaabon 2:10

Woo saaku sugga 'te kay ado inkih rabteeh; sarra temeete ado YALLA kee YALLI Israayilih abba heem inkih hawwenteh.

Ermiyaas 22:16

Masaakiina kee tu'dagoytiitih cakki aba numuk ten. Tohuk gexxaamah abinnaanim gabal kaak bicak ten. Tonnah tanim abtam yoo yaaxige numu'mmay,

1 Malikwa 21:13

Too waqdi woo baabuurute namma num amma 'teh sahda foocal, «Nabot Yalla kee malik abaare» axcuk kaal waden. Sarrak magaalak afah kaa beyya heenih, xeetit kaa qiden.

1 Malikwa 21:10

Baabuurute marak nammay bahha haay, kay foocal daffessa ken haay, ‹Nabot, Yalla-kee malik xaafe axcuk kaal wada› inxica. Too waqdi magaalak afah kaa eyyeeqay xeetit kaa qida» 'yaanam elle hayte warkat rubte.

1 Samuwel 25:17

Tonna'mmay tamahak tuk teena abtam tayse. Tah ni abba kee kay mara kaxxam uma ikkeh bahtu waytaama. Ni abba uma numuuy; sahda kaa'lih yabta yab mayaabba» teetik iyye.

1 Samuwel 10:27

Takkay immay dago maray umaane ugsam faxahiyya yen. Too mari, «A num-baxi maca neh xiqele?» 'yaanam axcuk kaa burteenih, tohuk gexxaamah mattaco kaah mabaahinnon. Saawuluh tu gactek, oson abeenimit baaqid mahaysitinna.

1 Samuwel 3:7

Samuwel ahaydumah qunxa numuk yeneeh, YALLA aaxaguk manannaay; tohuk gexxaamah a seeco YALLIH seeco kinnim maaxaginna.

Makaabon 19:22

Tonnal farcatat yanin waqdi, magaalah addal tan labhay taama akak toomehiyya garciik qari keenik marot heen. Qari afa keenil kaxxam yoogoren. Qari le numuk, «Ama ku buxa yemeete num annah afah nel eyyeq; fido kaat fanxa'gidih neh kaa eyyeq» iyyen.

1 Samuwel 3:13

Kay maral oobisu waa digaala ahak wadir ken amol tanim dumaak kaah warseh. Ken akah digaalu waam, kay xaylo yi migaq akke sinni migaq yoh abteemih sabbata. Qeli kay xaylo aham abtam aaxaguk yene'mmay, maabina keenik maxcinna.

Ermiyaas 9:3

YALLI iyyemii, «Diraabak sah nummat mayaaban; Maqarah loonum, diraaba. Nummak yaaxigeenim malon. Yi mari umaane umaanê-lakal aban; anu ken Dagelta kinniyom yok mayaaxigan» iyye.

Yacedkel 22:26

Seeka yi xinto intam mabtaay, taahirik tan qibaadah caagid elle aban arooca maxaguran. Caraamak tanim kee calaalak tanim ummatah mawarsan. Sabti ayro maxaguran. Tonna leemik Israayil mari yoo mayassakaxxan.