1 Samuwel 2:11 - NABUWWA KEE MALIKWA

¹¹ Tohuk lakal Elkaana Raamal tan isi buxa fan yuduure. Takkay immay Samuweliy awki baxah yani wokkel Qeli deqsita seekil kaa caben. Tokkel, Qeli deqsita sek aba kaak iyyam abak, YALLIH taamat gace.

1 Samuwel 2:11 Referans Kwoze

1 Samuwel 3:1

Samuweliy awkah yanihiyya Qeli-gubal anuk, YALLIH taamat yen. Too dabaanal YALLAK tamaate farmo daguk teneeh; kaak ooba wacyi kaadu daguk yen.

1 Samuwel 2:18

Toh tekke way Samuwel awkah yeneeh, *baftak bicsen kameesit gacca 'yeh, YALLIH taama abak yen.

1 Samuwel 1:28

anu kaadu YALLIH num yakke'gidih, kaa aceeh an. Qumri kaak yanim fan YALLIH taamat gacele» inte. Usuk tokkel YALLA yuqbude.

1 Samuwel 3:15

Tohuk wadir, Samuwel maaca fan inaaqitak suge. Sarrak ugutta 'yeh, YALLIH Qibaadah-Qarik afa fakeh. Samuwel woo yuble wacyi Qelih warsaamak meysiteh.

1 Samuwel 1:19

Ciggilta ayro Elkaana kee kay buxah mara maaca dibroh ugutta yeenih YALLA yuqbudeenih. Sarrak Raamal tan isinni buxa fan gexen. Elkaana Canna lih xiineeh, YALLI is kaa akah kallactem teetih duuduseh.

1 Samuwel 1:1

Elkaana akak iyyan num yen. Woo num Efrayim kedoh aabakuk yeneeh; dabqah Efrayim rasuk qaleela mango aracal geytinta magaalay Raama deqsittahiyyal yen. Abba kaak Yaroocam deqsitak yen. Yaroocam abba Aliihu deqsita numuk ten. Elkaana Aliihuk baxi baxak ten. Efrayim kedok Xuuf deqsita gulubuk Toocu deqsita buxah marat raaqak yen.

1 Samuwel 7:17

Tokkeek Raamal tan isi buxa fan adaaruk yen. Tokkel kaadu titta wee marih fan mekelak yen. Raamal YALLAH sadgat elle aban arac bicse.