1 Samuwel 2:10 - NABUWWA KEE MALIKWA

¹⁰ YALLI isi naqboytit foyyisele; Kulliimik daga raaqa Dagelti qaraanak keenit kaayele. YALLI inkih tan addunyal ackumele. Isi malikit qande heeleeh; isih doore malikih nasri aceele» 'yaanam inte.

1 Samuwel 2:10 Referans Kwoze

1 Samuwel 7:10

Samuwel Yallih sadgatih abittot yan waqdi, Filistiin-mari ken yabbixe'gidih keenit xayyooweh yen. Too waqdi YALLI qaraanaak kakkaqo keenil ruube. Too waqdi aben wariggah fixixeenih, mariiy kabul keenik gexe. Toh yublen waqdi, Israayil mari Mixfa deqsita aracaak keenit aben ardat Beet-Kaar deqsitta magaala fan ken baahen. Gital mango mara keenik qideenih, keenik yayseenih.

Makaabon 5:31

YALLAW, ku naqboytit ta marih rabah rabtay. Ku kacnoytit tawqe ayroh innah ifay» 'yaanam axcuk saare aben. Tohuk lakal morootom sanatih gide woo baaxol amaan gace.

Yasaqya 45:24

‹Cakkik tan maqaane kee cayla YALLAL geytimta› 'yaanam axceloonuh; YALLA fan amma axcelon. Yallal saduh yan mara kaxxa qaybi abbixele.

Yasaqya 32:1

Ayrok teena cakkik tanim aba malik reedele. Too dabaanal abbobtih gacu waa mari qadli le mara akkelon.

2 Samuwel 22:14

Dagelti-xongolo qaraanak tontoobbe. Kakkaqô-xaw xaawe.

2 Samuwel 7:13

Qibaadâ-Qari yoh xissu waytam, ku xaylok too numu. Kay reeda baxak baxal akah raqta'nnah abeyyo.

2 Samuwel 7:8

«Tonna'mmay taway yi naqasu Dawuduk intaamah, ‹YALLAY Nabaamak Nabahiyya kok iyyaamah, Edde sugte illi duwak kalla koo heeh, Israayil ummattak inkih abba koo abe.

1 Samuwel 16:1

YALLI Samuwelik annah iyye. «Anu ahak wadir malik yakkem kaak mafaxak, atu Saawuluh akah qaaddam macaay? Away caxâ-xaylok bicsen *saliid (zeyti) gabat haay Beetlacam deqsitta magaalal yan Yiisa deqsita numih buxa gex. Kay xaylok tiik teena malik abuh dooreh an» kaak iyye.

1 Samuwel 15:28

Too waqdi Samuwel annah kaak iyye. «YALLI a saaku Israayil ummatih amoytiinu kok kaleh, gersi numuy kok yaysehiyyah yecee.

1 Samuwel 12:18

Tohuk lakal Samuwel YALLA kallaceeh, too ayrot edde YALLI kakkaqo kee rob ruube. Too waqdi ummatta inkih YALLA kee Samuwelik meysitteh.

1 Samuwel 12:13

«Taway isin doorten malik amah kaa. Isin faxxeeniih YALLI kaa siinih yecee.

1 Samuwel 12:3

A tableenim yooy; qellat celtaamak tu siinil baaheh sugek, YALLA kee YALLI doore malikih garil yol haysita. Awur akkiiy danan akki akak bee num yenek, hinnay kaadu, ayrise kee hinnay edde xukkuteh suge num yenek, hinnay kaadu, guqul akak bee num yeneeh, tahak tuk teena elle baahe num yenek, yot haysitay kaah mekleyyok» iyye.

Yasaqya 29:6

YALLAY Nabaamak Nabahiyya qaran-kakkaqooy baaxoh-angoyya kee ibak-gibdi-xongolo ruubele. Tonnah kaadu, kaxxa caaco kee caacay kee sinam takme gira ruubele. Yarusalaam mari tohuk cattiimele.

Yacedkel 29:21

«Too saaku Israayil mara cayla-leela abeyyo. Yacedkelow, koo kaadu sahda koo elle taabbe ikkel yaaba num koo abeyyo. Tonnal YALLA kinniyom yok aaxigelon» iyye.

1 Samuwel 12:17

Away edde nanim rob edde yamaate wakti hinna'mmay, taway anu YALLA esserak, ‹YALLAW, kakkaqo kee rob rub› axceyyooh; YALLI too waqdi kakkaqo kee rob ruubele. Tah takku wayta waqdi YALLAK, ‹Malik neh reedis› inteeniih, tohul YALLAL dambi lem bahteenim isinnik aaxigetton» iyye.