1 Samuwel 19:7 - NABUWWA KEE MALIKWA

⁷ Toh yoobbe waqdi, Yonaatan Dawuduh seeceeh, kay abba iyyem kaah warseh. Sarrak Saawul fan kaa baaheeh, dumaak edde suge kay taamah kaa gacse.

1 Samuwel 19:7 Referans Kwoze

1 Samuwel 18:13

Tonna-leemik isi buxak beyya kaa heeh, alfi takke qaskarak abba kaa abe. Dawud isi marak foocat gacca 'yeh carbi-booxa fan ken bee.

1 Samuwel 18:2

Too saakuk wadir Saawul, Dawud isi buxal daffeyseeh, kay abbah-buxa aduuri kaa mahanna.

1 Samuwel 16:21

Dawud Saawul fan yemeeteeh, too waqdi kay taamat gace. Saawul Dawud kaxxam yikcineeh, isi silac yakkuqe num kaa abe.

1 Samuwel 18:10

Nammayhaytoh ayro garciik Yalli ruube ginni Saawulut culeeh xagar kaak yimlikeh. Isi qarih addal cissit ane sinni numih innah gabaak yaabe. Too waqdi Dawud kulli saaku akah abak yene'nnah *begena aagaruk kaa sahhaloysam yekkele waqdi, Saawul, «A gabat abbixe macaxuh kaat heeh gidaarat kaa maay xakbiso?» 'yaanam kaal temeete. Tohuk lakal woo macaxu namma adda kaat haa'gidih qide. Dawuduh tu gactek, namma adda inkih walel is raaqise.

Yasaqya 30:33

Assuuriyah malikih raysi edde carara'gidih, kaxxa gira dumaak bical sugte. Ta arac, kaxxa adda leeh baar le araca. Mango boco sittin bagul akak heen araca. YALLI isi ufuy urta *danih innah habug iyyahiyya too bocot ruubele.

1 Aydaad 11:2

Duma Saawul malikih suge saaku kinni way, gaadi faxxiima saaku foocat nek gacca 'teh carbi booxa fanah nee beyak sugtem koo. YALLAY ku Dagelta kinni, isi marak miraac akkettooh ken xiinisa num koo abeleemih qahdi koh culem nanu naaxigeh» axcuk kaal yemeeten.

1 Samuwel 19:6

Too waqdi Saawul Yonaatan kaak iyyem numma kinnim yubleeh, «Tahaysa Dawud qide waamah YALLIH migaaqal xiibitah» iyye.

1 Samuwel 19:8

Qeebi kaadu qagteeh; too waqdi Dawud carbi-booxa fan gexe. Tokkel Dawud Filistiin marat kaxxa qeebiy edde kudaanahiyya, keenit abe.