1 Samuwel 18:30 - NABUWWA KEE MALIKWA

³⁰ Filistiin-mari too dabanal Israayil-marah gaaduh gexakaay qeebi keenit abak sugen. Too qeebil inkih, gersi qaskar abbobti hinna'mmay, Dawud keenil ansaruk yen. Tohuk gexxaamah kay migaq kulli ikkel yontoobbe.

1 Samuwel 18:30 Referans Kwoze

2 Samuwel 11:1

Ciggiila sugum adday dardorti xeflih qeebih edde gexxahiyyat, Dawud, Yowab kee kalah tan qaskar abbobti kee Israayil qaskar qeebih ruube. Oson Qammon maral umam baaheenih, qaskarak qeebih yeyseeniih; Rabbay inaytâ-magaalah keenik tenehiyya maraasiyya heenih yabbixeenim faxen. Dawud isih magexinnay, Yarusalaam magaalal elle raaqe.

1 Samuwel 18:5

Dawud, Saawul kaa akah ruubinnaan taama gabal kaah bicca 'teh adaaruk yen. Tonna-leemiik Saawul qaskarak exxak teenah abba kaa abe. Tohuk gexxaamah Saawul qaskarih abbobti kee raqqa 'ye mari inkih ruffa iyye.

Daaniyel 1:20

Malik faxe essero esseraah, waagiseenimik faxem taniimih, a affara num, baab-abeenit kee faal-qiday woo baaxol sugga 'tehiyyak inkih, tabna adda tayse ixxiga luk yenen.

2 Malikwa 1:13

Malik kaadu qagseh qaskar abba kee kontom num ruube. Woo num woo koomaytu yewqe waqdi, Eliyyasak foocal gulubuh rade. Too waqdi iyyemii, «Yallih numow, yoo kee yi marah racmatay, nee maqidin.

1 Samuwel 26:21

Too waqdi Saawul kaal gacseemih, «Umam baaheh anik, yi Dawudow, ahaysa uduur. A bar rooci yok waddek sa, kol umam baahaanamat maqagita. Duquruk sugtem yoo. Kaxxam umam baahe» iyye.

1 Samuwel 2:30

Yoo YALLAY Israayil doore Dagelta kinnihiyya, ku buxah marak atu akak radde gulubut yan mari qumri keenik yanim fan yi taamah taamitta seeka akkelon 'yaanamal, duma xagana keenih culeh suge. Awayah tu gactek, woo xagni bagul keenih maan. Yoo yaynabe mara aynabeyyoh, yoo buri intit yable mara buri intit ableyyo.

1 Samuwel 18:29

Tohuk gexxaamah Dawuduk kaxxa meysih meysiteeh, rabba 'yam fan naqboytah kaak suge.

1 Samuwel 26:24

A saaku anu ku rooci elle wade innal, YALLI kaadu yi rooci waday; gadaamak yoo yayyaaqay» iyye.

1 Samuwel 19:8

Qeebi kaadu qagteeh; too waqdi Dawud carbi-booxa fan gexe. Tokkel Dawud Filistiin marat kaxxa qeebiy edde kudaanahiyya, keenit abe.

2 Samuwel 7:9

Atu gexinnaan ikke ko'lih gexak suge. Atu fooca fanah akah gutuqta'nnah, naqboytiitik qeebil koo aysiisuk suge. Uxih a addunyah bagul kaxxa migaq-gexxo le marak kaxxihii, kaxxa migaq kot heeyyo.