1 Samuwel 17:12 - NABUWWA KEE MALIKWA

¹² Dawud Efrat deqsita gulubuh gacisa; Yiisa deqsita numih baxak ten. Elle yoobokem, Yuudâ rasul tan Beetlacam-magaala. Yiisa lab xaylok bacaar luk yeneeh, Saawul malikih yen dabaanal Yiisa barak idoolite numuh yen.

1 Samuwel 17:12 Referans Kwoze

1 Samuwel 16:18

Tokkel suge marak numuk teeni iyyeemih, «Beetlacam yan Yiisa deqsita num gadah yaaguren duyye yaagure baxa le. Too awki qaxti maqaane kee agiranna inkih leeh, qaskariinok bayisam maliiy, yab kaadu nagay yaaxige. YALLI kaadu kaa'lih yan» iyye.

1 Samuwel 17:58

Kaa baahen waqdi Saawul kaa essereeh, «Furraynow, iyyin baxa kinnito?» kaak iyye. Dawud, «Anu ku naqasuh yan Yiisay Beetlacamal yoobokehiyyah baxa kinniyo» kaak iyye.

1 Samuwel 16:1

YALLI Samuwelik annah iyye. «Anu ahak wadir malik yakkem kaak mafaxak, atu Saawuluh akah qaaddam macaay? Away caxâ-xaylok bicsen *saliid (zeyti) gabat haay Beetlacam deqsitta magaalal yan Yiisa deqsita numih buxa gex. Kay xaylok tiik teena malik abuh dooreh an» kaak iyye.

Miika 5:2

YALLI iyyeemih, «Beetlacam Efratey, Yuudâ-rasul tan magaaloolik inkih qunxa magaala kinnito. Takkay immay Israayil ummat xiinisu waa abba ku addak ayyaaqeyyo. Kay samad dumaak ugteeh, dumî-dabaanaak migaq-gexxo le marak ten» iyye.

1 Samuwel 17:11

Saawul kee kay qaskar Golyaad yab toobbe waqdi, warigga keenit raddeeh; kaxxa cunxo ken tibbixe.

Ruut 4:17

Cuggaaneh agbi inkih, «Noqmih lab-baxi yooboke» iyyen. Yooboke awkak migaaqah Yoobad iyyen. Yoobad Yiisa xale; Yiisa kaadu Malik Dawud xale.

1 Samuwel 1:1

Elkaana akak iyyan num yen. Woo num Efrayim kedoh aabakuk yeneeh; dabqah Efrayim rasuk qaleela mango aracal geytinta magaalay Raama deqsittahiyyal yen. Abba kaak Yaroocam deqsitak yen. Yaroocam abba Aliihu deqsita numuk ten. Elkaana Aliihuk baxi baxak ten. Efrayim kedok Xuuf deqsita gulubuk Toocu deqsita buxah marat raaqak yen.

2 Samuwel 23:1

Dawud ellecabol abe saare ah teeti. «Yiisá-Dawud iyya qangor ankacisey; Yalli kaxxa num abe numih qangor ankacisey. Yaqkuub doore Dageltay kulliimik nabahiyya, malik yakke'gidih doore numuy Israayil ummattah nabam meqe saare yeyyeeqehiyya iyyaamah: