1 Samuwel 17:11 - NABUWWA KEE MALIKWA

¹¹ Saawul kee kay qaskar Golyaad yab toobbe waqdi, warigga keenit raddeeh; kaxxa cunxo ken tibbixe.

1 Samuwel 17:11 Referans Kwoze

Yoosuwa 1:9

‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.

Yasaqya 57:11

Yoo akah hawwenteenih yot darre akah cabteenim, isin akak meysittaanam macaay? Yok akah meysite waytaanam mango wakti tibba siinik exceemi innaa?

1 Samuwel 7:7

Filistiin-mari Israayil-mari Mixfal gaaboowem yoobben waqdi, Filistiin koona malik is kee isi marah qeebi keenit abaana'gidih gexen. Israayil mari ah yoobbe waqdi meysiteh.

1 Samuwel 17:10

Taway hay, Israayil qaskarey, qeebi yo'lih abu waa num siinit yenek, yawqay» iyye.

1 Samuwel 17:12

Dawud Efrat deqsita gulubuh gacisa; Yiisa deqsita numih baxak ten. Elle yoobokem, Yuudâ rasul tan Beetlacam-magaala. Yiisa lab xaylok bacaar luk yeneeh, Saawul malikih yen dabaanal Yiisa barak idoolite numuh yen.

1 Samuwel 13:7

Aki mari keenik kaadu Ordon weeqaytuk gacca 'yeenih Gaad kee Gilqad deqsita arac fan gexen. Saawul toh tekke waqdi Gilgalal yeneeh, kaa'lih yen mari meysih axaxitak yen.

1 Samuwel 21:13

Tonna leemik oson kay dariifal yaniinim yuble waqdi, cissit ane waa num ceelak yeneeh, cabboote numih innah gacak yen. Ken gabat yen way, qarik afal fiirisak yeneeh, isi afak laguuda debenil isik caxak yen.