1 Samuwel 16:4 - NABUWWA KEE MALIKWA

⁴ Samuwel YALLI kaak aba elle iyye'nnal abeeh, Beetlacam magaala gexe. Tokkel too magaalah-abbobti, Samuwel tuble waqdi, wariggitteh intemii, «Ni abbaw, akah temeetem nagayna innaa?» kaak iyyen.

1 Samuwel 16:4 Referans Kwoze

1 Malikwa 2:13

Ayrok teena Qadoona Batsabaq fan yemeete. Batsabaq, Suleeman inak ten. Batsabaq Qadoona teetil yemeetem tuble waqdi, «Akah temeetem nagayna?» kaak inte. Qadoona, «Nagayna» iyye.

2 Malikwa 9:22

Too waqdi Yooram, «Akah temeetem nagaynaa?» kaak iyye. «Ku ina Idebal qimbisse xeet kee coox yaqbudeenim kee sicri abaanam tanim fan, maa nagayna tan?» kaak iyye.

1 Samuwel 21:1

Dawud Acimalek deqsita seekiy dabqah Noob deqsita aracal yenehiyya fan gexe. Acimalek kaa yuble waqdi kaah garaya'gidih meysih axaxitak afah yewqe. Too waqdi kaak iyyemii, «Wakali maleh dibuk macah temeete?» iyye.

1 Malikwa 17:18

Too waqdi is Eliyyasak intemii, «Yallih numow, annah tanim macah yok abte? Akke akah temeetem, anu abeh an dambi Yalla kassisseh baxa yok qidsissa'gidii?» kaak inte.

Hosiqa 11:10

Anu lubak innah xongolu waa waqdi, yi mari axaxitak ayrô-culmaak yoo fanah amaatele.

Hosiqa 6:5

Inni nabuwway farmo gabat le sin fanah ruubeeh, uma cokmi kee baati siinit akkelem siinih akah warsem tohu. Anu siinik faxam qellu lem hinna.

2 Samuwel 6:9

Too ayro Dawud YALLAK meysitak raaqeeh; «Ahaysa, YALLIH Qahdi addat akak yan Sandug yi magaala fan beyam matakka» iyye.