1 Samuwel 16:13 - NABUWWA KEE MALIKWA

¹³ Samuweliiy Dawud toobokoh foocal saliidit amo kaak yuskute. Too waqdiik YALLI Dawudul isi *Roocaaniyya oobiseeh; too saakuk xabba haanam YALLIH Roocaaniyya kaa'lih ten. Tohuk lakal Samuwel Raama fan yuduure.

1 Samuwel 16:13 Referans Kwoze

1 Samuwel 10:6

Too waqdi garciik YALLIH *Roocaaniyya isi milkih koo heeleeh, atu woo oson diinih aban rigdot ken lih angaletto. Atu kaadu keenik kaxxih nabuwwah innah yaabetto. Too waqdi akah suge wayte num akketto.

1 Samuwel 10:1

Tohuk lakal Samuwel caxâ xaylok bicsen saliid* (zeyti) edde yan karaarat bahha heeh Saawuluk amol caxe. Sarrak fugga kaa heeh kaak iyyeemih, «YALLI, Israayiliy isi mara abehiyyah amoyta takke'gidih, koo yuskute. Atu kay mara naqboytiitik dacrisettooh, ken catetto. YALLI Israayil amoyta takke'gidih koo doorem elle taaxagu waytam macaay intek,

Makaabon 11:29

Tohuk lakal YALLIH *Roocaaniyya Yeftacal obteeh; too waqdi usuk Gilqad kee Manassê rasu fan gexam gexeeh, sarrak Mixfa deqsitta magaalay Gilqad rasul geytintahiyyah uduurra 'yeh Qammon-marih baaxo fan bisoh gexe.

Makaabon 3:10

YALLIH *Roocaaniyya kaal obteeh; too waqdi Israayil ummatak abba yekke. Sarrak Mesbotaamiyah malikiy Kusan-Risqatayim deqsitehiyyah gaaduh gexeeh, YALLI too malikik qeebil kaa yiysiiseh.

1 Samuwel 16:18

Tokkel suge marak numuk teeni iyyeemih, «Beetlacam yan Yiisa deqsita num gadah yaaguren duyye yaagure baxa le. Too awki qaxti maqaane kee agiranna inkih leeh, qaskariinok bayisam maliiy, yab kaadu nagay yaaxige. YALLI kaadu kaa'lih yan» iyye.

2 Malikwa 9:6

Tohuk lakal nammayak qari adda culeeniih; woo furraynuh yan nabi woo caxâ xaylok bicsan zeyti Yaahu amol caxeeh, kaak iyyeemih, «YALLAY Israayil doore Dageltah yanihiyya, ‹Israayil-maray yim kinnihiyyah malik takke'gidih koo askute› iyyah yan.

1 Samuwel 11:6

Saawul tah yoobbe waqdi, Yallih *Roocaaniyya isi milkih kaa hayya hayteeh, too waqdi bagcarrite.

Makaabon 14:6

Too waqdi garciik Yallih Roocaaniyya qande kaat hayteeh; gab-qassih anuk, mooti innah, too lubak namma ikkel kure. Takkay immay aham abem isi ina kee abbah mawarsinna.

Makaabon 13:25

Usuk Daan-Mafdaga deqsita aracay Xorqa kee Estooluk fanal yanihiyyal yan saaku, YALLIH *Roocaaniyya maqar kaat hayte.

1 Samuwel 2:35

Imaan yol le numuy anu aba axcem abahiyya seekih heeyyo. Too seekik ramad raaqele. Too ramad anu dooru waa malik lih gacca 'yeh, yoh taamitele.

1 Samuwel 18:12

Too ayrok wadir Saawul, YALLI isi cabeeh Dawud lih yanim yubleeh, Dawuduk meysitak raaqe.

2 Samuwel 2:4

Yuudâ-mari Cebron kaal yemeeteeh, Dawud yuskuteenih isinni malik kaa aben. Gilqad rasul ten Yaabes deqsitta magaalah mari Saawul yoogoqeh 'yaanam yoobbe waqdi,

2 Samuwel 5:3

Israayilik saqoltih yan mari toh axcuk Cebroonul kaal yemeeten saaku, Dawud kee Israayil ummatak saqoltih yen mari YALLIH foocal xagana tittah culen. Sarrak kaa yuskuteeniih; usuk tohuk wadir Israayil malik yekke.

2 Samuwel 12:7

Too waqdi Naatan kaak iyyeemih, «Hay, tonnah tanim abtem koo!» kaak iyye. Qagseh, «YALLAY Israayil doore Dagelta kinnihiyyak farmo koh abbixe. YALLI kok iyyaamah, ‹Israayil malik takke'gidih koo dooreeh, Saawul kol baahe raareemik innih koo cateeh,

2 Samuwel 23:1

Dawud ellecabol abe saare ah teeti. «Yiisá-Dawud iyya qangor ankacisey; Yalli kaxxa num abe numih qangor ankacisey. Yaqkuub doore Dageltay kulliimik nabahiyya, malik yakke'gidih doore numuy Israayil ummattah nabam meqe saare yeyyeeqehiyya iyyaamah:

1 Samuwel 1:19

Ciggilta ayro Elkaana kee kay buxah mara maaca dibroh ugutta yeenih YALLA yuqbudeenih. Sarrak Raamal tan isinni buxa fan gexen. Elkaana Canna lih xiineeh, YALLI is kaa akah kallactem teetih duuduseh.

1 Aydaad 11:3

Israayilik saqoltih yan mari toh axcuk Cebroonul kaal yemeete saaku, Dawud kee Israayil ummatak saqoltih yen mari YALLIH foocal xagana tittah culen. Sarrak Dawud yuskuteeniih; usuk tohuk wadir Israayil malik yekke. YALLI dumaak Samuwelik elle iyyeh suge'nnal, Dawud too saaku malik yekke.