1 Samuwel 16:12 - NABUWWA KEE MALIKWA

¹² Tohuk gexxaamah Yiisa kay xaylok inkih qunxa baxay Dawud deqsitak yeneh farmo ruube. Dawud furrayniinot meqe xagar kee qax-maqaane inkih luk yen. Too waqdi YALLI Samuwelik, «Anu doore num tamah kaak, amol sukuti kaak hayis» iyye.

1 Samuwel 16:12 Referans Kwoze

1 Samuwel 17:42

Sarrak Dawud nagay yismiteek ellecabol kaxxam kaa bursute. Macaay inteenik, Dawud qunxa numuy meqe xagar le kinnim kaak yuble.

1 Samuwel 9:17

Away kaadu Samuwel Saawulut radda 'ye waqdi, YALLI annah kaak iyye, «Amah koh warse numuuy; yi mara xiinissu waytam kaa» kaak iyye.

1 Samuwel 17:55

Saawul naharak Dawud Golyaadat qeebi aba'gidih gexah yuble waqdi, qaskarak abbah yen numuy migaaqah Abner deqsitahiyyak, «A awki iyyin baxay?» axcuk essereh yen. Woo numuy, «Yi amoytaw, anu maaxiga» 'yaanam kaal gacse.

2 Samuwel 7:8

«Tonna'mmay taway yi naqasu Dawuduk intaamah, ‹YALLAY Nabaamak Nabahiyya kok iyyaamah, Edde sugte illi duwak kalla koo heeh, Israayil ummattak inkih abba koo abe.

2 Samuwel 23:1

Dawud ellecabol abe saare ah teeti. «Yiisá-Dawud iyya qangor ankacisey; Yalli kaxxa num abe numih qangor ankacisey. Yaqkuub doore Dageltay kulliimik nabahiyya, malik yakke'gidih doore numuy Israayil ummattah nabam meqe saare yeyyeeqehiyya iyyaamah:

1 Malikwa 1:34

Tokkel isin sek Saaduk kee nabi Naatanak, Israayil malik yakke'gidih, kaa uskuta. Tohuk gaba kaltan waqdi, *baanta uguraay anay fayya haay, ‹Malik Suleeman ani haay! Malik Suleeman ani haay!› inxica.

Zakariyya 4:14

«Tamah, Yallay inkih yan baadak amoytah yanihiyya uskuttu heeh doore namma numuy kaa takdumu waytahiyya» iyye.

1 Samuwel 16:18

Tokkel suge marak numuk teeni iyyeemih, «Beetlacam yan Yiisa deqsita num gadah yaaguren duyye yaagure baxa le. Too awki qaxti maqaane kee agiranna inkih leeh, qaskariinok bayisam maliiy, yab kaadu nagay yaaxige. YALLI kaadu kaa'lih yan» iyye.