1 Samuwel 15:12 - NABUWWA KEE MALIKWA

¹² Maaci maacise waqdi ugutta 'yeh Saawul goranah gexe. Sarrak Samuwelik, «Saawul Karmel fan gexe» 'yaanam iyyen. «Usuk wokkel kaa elle kassitan isi ceelo bicsiise. Sarrak Gilgal fan gexe» kaak iyyen.

1 Samuwel 15:12 Referans Kwoze

Yoosuwa 15:55

Tohuk kalah kaadu Maqon kee Karmel kee Diif kee Yutta kee

2 Samuwel 18:18

Absalaam migaq kaak elle xagan baxa luk masuginnaay; tohuk gexxaamah addunyâ bagul yan saaku, ‹Malik Golo› deqsita aracal kaa elle kassitan qamiddu bicsiise. Too qamidduk migaaqah ‹Absalaam qamiddu› iyye. A saaku fanah too qamiddu Absalaam kassitih qamiddul yaaxigen.

1 Samuwel 25:2

Kaalib deqsita gulubuh yooboke numuy migaaqah Nabal deqsitahiyya yen. Too num gaddalih yan numuk teneeh, wadarak alfi takkem luk yeneeh, sidiica alfi yakke illi luk yen. Dabqi kaak Maqonul sugeeh, Karmel deqsita aracal baaxo luk yen. Kay barra migaaqah Abiigal deqsitak ten. Is qax-maqaane kee bagi-cubbi le barrak ten. Tet baqalah tu gactek, cillaale kee qaduwwi luk yen. Ayrok teena Nabal isi illik xagor kalak suge.

1 Malikwa 18:42

Acab maaqo xaga'gidih gexe waqdi, Eliyyas Karmel qaleh amo yewqe. Tokkel qununna 'yeh moyya isik namma gulubih fanat hayya heeh,

1 Samuwel 7:12

Tohuk lakal Samuwel xaa bahha heeh, Mixfa kee Seen deqsita aracak fanal soolise. Too waqdi iyyeemih, «YALLI ta udduruh amma 'yaanam nee cateeh; tonna leemik ahaysa a xaak migaaqah ‹Catô-xaa› deqsitele» iyye.

1 Samuwel 13:12

too mari a Gilgal deqsita aracal yoo yabbixoonu waanah yanin 'yaanam ucsube. Tonna-leemik YALLIH barkat geya'gidih tu maabinnino 'yaanam axcuk, sadgat abaamat dirkih emeete» iyye.

1 Samuwel 13:15

Tohuk lakal Samuwel Gilgal cabeh isi gexoh gexe. Raaqe mariiy Saawul isi qaskarat yangalem fan kaa katayak sugen. Gilgalak Benyam kedoh baaxol tan magaalay Gibqa deqsittahiyya fanah gexen. Saawul isi qaskar loowe waqdi, laca boolih num yekken.

1 Samuwel 17:20

Dawud maaca dibroh ugutta 'yeeh, illit gersi mara cabba heeh, kay abba kaah elle warse innal, usuk kaal yecee maaqo gabat hayya heeh gexe. Dawud, Israayil mari carbi booxa fanah gexaah, qeebi tirtirisan waqdi, yemeete.

2 Samuwel 23:35

Karmel rasul yooboke Cesro kee, Arbaq rasul yooboke Faqray kee,

2 Aydaad 26:10

Tonnah kaadu, sinam isinni aroocal allak tamaatem akak yablen fayya le qarwak mangom xise. Ayrô-culmat raqta mango koomaami le baaxo kee booxaaxah tan baaxol mango laa luk yeneeh; leê-raaqisso mangom dage. Buqre kaxxam kicinuk yeneeh; tonna-leemiik taamita marak, «Qaleelah tan baaxol qinab xala coox ubquraay; lee le baaxoy buqre elle bictal daro qida» iyye.