1 Samuwel 14:22 - NABUWWA KEE MALIKWA

²² Gersi maray kaadu Efrayim qaleelat sasak sugehiyya Filistiin-mari bukeenim yoobbeeniih, tonna-leemik Saawul kee Yonaatan lih gacca 'yeenih, Filistiin-marat qeebi aben.

1 Samuwel 14:22 Referans Kwoze

1 Samuwel 13:6

Israayil mari isinni adda yuble waqdi, taysem kinnim waagiseenih; keenik garab gabla kee garbo elle tani'kkeh addat yombooqoren. Raaqe garab kaadu xaluuqâ fanat culeeh, dagen arooca kee qelwah addat yombooqoren.

1 Samuwel 31:7

Israayil maray Yidraqel-Daqarak woo qaxa raqta baaxo kee, Ordon weeqaytuk ayrô-mawqa le kabut raqta baaxol yeneenihiyya, qaskar kuddeh Saawul kee xaylo kaadu qideenih, 'yaanam yoobben. Too waqdi isinni magaalooli cabba heenih kuden. Sarrak Filistiin-mari yemeeteh woo magaalooli keenik yibbixen.

1 Samuwel 14:11

Sarrak Filistiin-mari ken akah yable innah aben. Too waqdi Filistiin-mari, «Wagga! Qibraan marak tu takkem edde yombooqoreenih sugen boodoodak away yawqeenih yanin» iyyen.

Makaabon 7:23

Tohuk lakal Naftaali kee Aaserih yooboke mara kee Manassê-kedok namma exxa elle tan baaxoh inkih seeco abeeniih; oson too waqdi Miidiyan mara lakal ayradduk xiiriyya heen.