1 Samuwel 14:18 - NABUWWA KEE MALIKWA

¹⁸ Sarrak Saawul Aciiya deqsita numuy seekih yanik, «Yallih Qahdi addat akak yan Sandug bah» iyye. Too ayro, Yallih Qahdi addat akak yan Sandug Israayil qaskar elle tinfiddigeh ten aracal yen.

1 Samuwel 14:18 Referans Kwoze

2 Samuwel 11:11

Uriyya kaal gacseemih, «Israayil kee Yuudâ mari qeebi booxal yaniih, Qahdih-Sandug kaadu wokkel ken lih yaniih, tonnah kaadu, carbi abbah yok yan Yowab kee, kay gubal tan qaskar abbobti gubbik bagul tan way, maaqo kee maqubuh buxah gexaah, inni barra lih xiinam anni'nnah abaah? Yi amoytaw, tannah taniimit ase wayu waamah ku gabal xiibita» 'yaanam iyye.

1 Samuwel 7:1

Toh yoobbe waqdi Kiryat-Yaqaarim mari yemeeteh, woo sanduguy YALLIH Qahdi addat akak yani beeniih, Abinadab deqsita numih buxah been. Abinadab guubuh koomah amol yen. Kay baxay migaaqah Alqedar deqsitak yenehiyya, woo sandugih dacayrit akah gaca'nnah, YALLIH garil taahirik yan num kaa aben.

1 Samuwel 5:2

Too magaalal Daagon migaq akah aban duyyey yaqbudeenihiyyah qibaada elle abaana'gidih bicsen qari yen. Yallih Qahdi addat akak yan Sandug bahha heenih, woo Daagon akak iyyaanamih ceeloy yaqbudeenihiyyak xaqut missossa heenih caben.

Makaabon 20:18

Sarraa, Israayil mari Beetal deqsitta magaalal gaabooweeniih, «Yallaw, Benyam marat naharak qeebi abtu wayta kedo neh escessey?» iyyen. Too waqdi YALLIH garik, «Naharak gaaduh Yuudah yooboke mari gexay» inta qangara temeete.

1 Samuwel 14:17

Too waqdi Saawul isi marak iyyemii, «Qaskar inki aracal gaaboysaay yakkeenih gide keenik loowa. Ane waa num wagita» iyye. Qaskar loowen waqdi, Yonaatan kee woo furraynuh yan numuy kay silac abbaxuk suge deedaltam yublen.

1 Samuwel 14:36

Tohuk lakal Saawul isi marak iyyemii, «Barat edde gexxa inneh, Filistiin-mara gaadnay ayro bukka 'tam fan buubak ken sugnay, num keenik wade'kal sella ken haynay» iyye. Ummatta too waqdi, «Atu tayseh axcinnaanim abenno» iyyen. Takkay immay sek iyyemii, «Naharak Yallal fayu esserray» iyye.

1 Samuwel 23:9

Dawud, Saawul kaa yabbixe'gidih malsam yoobbe waqdi, Sek-Abiyataarak, «Ama Yallih seeka haysitta saroy rikeek tanihiyya annah yol baahey» iyye.