Biblia Todo Logo
Bib sou entènèt

- Piblisite -




1 Samuwel 13:5 - NABUWWA KEE MALIKWA

5 Filistiin mari Israayil marat qeebi aba'gidih gaaboowe. Qeebi edde aban gaariirak soddom alfi takkem luk yenen. Laca alfi takke labhay faaris amok qeebi abta luk yenen. Kalah ten qaskar keenik mangah qadad luk manannaay mangah qiddeyti axxul luk yenen. Too macaxi Mikmas deqsita aracay Beet-Awen deqsitta'kkek ayrô-mawqa le kabut raqtal yinfiddigen.

Gade chapit la Kopi




1 Samuwel 13:5
21 Referans Kwoze  

Beet-Awen deqsita aracak taturra 'yaanam fan qeebi keenit abak sugen. Too ayro YALLI Israayil mara tonnal cate.


Too mari inkih tan qaskaray mangah baddi afih qiddeytih gide takkehiyya luk yemeeten. Toh lih kaadu mango faariisa kee faaris beyta gaariira luk yemeeten.


Kilbat le kabuk baaxok cuduud akak ugutam, Ordonuk teneeh; tokkeek kilbat le kabuk Yerikô-magaalak bacakkuh ayrô-culma le kabut tan baaxoy qaleela mangohiyyak gacca 'yah, Beet-Awen deqsitta magaalak xaquk tan bacarih tan baaxoh amma 'yaanam tikka 'ya rasi inkih kenim yekke.


Samaariyal yan mari dahabak bicsen dahaltuy yaqbudeenihiyyay Beet-Awenil yanit takku waytaamak meysitak yanin. Keenik baysoonu waan saaku, rookitelon. Woo daheltih ceeloh baahan sadgat gabal akak acayuk sugen seeka, woo ceelo le nabna kasitak kaat tekke baatih boogisele.


Hosiqa kaadu qagseh iyyeemih, «Gibqal baanta ugura! Raamal turumba kaayisa! Beet-Awen deqsita aracal qeebih tirtirisa! Benyam maraw, qeebih ittikiya!


«Isin Israayil maraw, yoo ganteenih. Yuudâ mari sin akke way! Gilgal kee Beet-Awen magaaloolil qibaada maabina. Yi migaaqay waarahiyyal maxiibitina.


Gubuunuh raaqe agbi mangah baddi afih qiddeytak aymaggeyyo. Oson xalen furrayna qidaana'gidih, qado loqo naqboyta keenit ruubeyyooh; inanti keenik rookitele. Cube'kal akak cunxittan umaane siinit ruubeyyo.


Ramad siinik mangah baddi afih qiddeh gide akkuk yen. Migaq siinik baye maraarinnaay, baye haak mananniyo» iyye.


Dageltah yan YALLAW, naharak yi abbah culte xagna yoh duudussam kok faxa. Ku ummattay mangah loowo akak duudume waytahiyyah abba yoo abteh tan.


Miidiyan kee Qamaalek kee ayrô-mawqa le kabu ten baaxol eneyya 'ya mari, woo daqaarih addal, mangah qanayti gide akkuk yeneeh; kulli'kkel cakakka 'yen. Baddi-afal qiddeyti mangah yakkeh gide yakke gaala luk yenen.


Yoosuwa, Yerikô-magaalak tu yakke mara Qaay deqsitta magaala fan ruube. Qaay, Beetal deqsita aracak ayrô-mawqa le kabut raqta magaalaay; Beet-Awen deqsita aracak garil tan magaalak ten. Keenik iyyeemih, «Gexay Qaay magaala wagitaay baaxo elle tani'nna gibitay ama» keenik iyye. Gexeenih yuduuren waqdi,


Israayil-mari qeebil Filistiin-marak yeyseeh, Samuwel sugem fan Filistiin-mari Israayil baaxo culak masuginna.


Saawul Israayilik sidiica alfih num dooreeh; woo sidiica alfik namma alfih num Beetal deqsitta baaxoy mango qaleela lek Mikmas deqsita aracal is lih raaqise. Alfi num kaadu Benyam rasul ten Gibqa deqsitta magaala fan isi baxay migaaqah Yonaatan deqsitahiyya lih ruube. Raqqa 'ye mara buxah ruube.


Sarrak Samuwel, «A abtem macaa?» kaak iyye. Saawul too waqdi kaak iyyemii, «Ummatta dibuk yoo cabteh gexxeeh; atu kaadu, ‹Amaateyyo› elle inte waqla mamattinnito. Toh lih kaadu, Filistiin mari Mikmas deqsita aracal gaaboowiyyat yaniih,


Filistiin mari Yuudâ-rasul geytinta Sooko deqsitta mandaral gaaboowe. Efes-Dammin deqsita aracay Sooko kee Qadeeka fanat geytimahiyyal yinfiddigen.


Tonna leemiik, anu innih kasah kok axceemih: Israayil maray mangah qiddeyti inna lehiyya Israayil baaxok woo exxaay a exxak inki'kkel gaabossu haysay, gaaduh isih foocat keenik gacca 'xicaay ken bey.


Israayil marah kaadu seeco tekkeh; elle yemeeten ikkel faxxintam keenih aben. Tohuk lakal gaaduh ugutta iyyeeniih ken fanah xayyoowen waqdi, namma ikkeh baxsimma 'yeenih Suuriyah-mara akak yablen ikkel yinfiddigen. Suuriyah-mari baaxo inkih duudeh yeneeh; Israayil-mari ken garil dagnah namma-horta-takke-wadar-baxa ceelak yenen.


Naqboytit qaskar Qaay deqsitta magaala yibbixeeniih, Migroon magaalak tatreenih gexen. Sakayi Mikmas magaalal caben.


Saawul suggu 'yem fan Filistiin mara luk kaxxa qeebi abe. Qeebil agiru akkiiy celem akki akkinnaan num yable waqdi, isi qaskarat asgalluk yen.


Swiv nou:

Piblisite


Piblisite