1 Malikwa 8:23 - NABUWWA KEE MALIKWA

²³ Dooqah iyyeemih, «YALLAW, Israayil ummatta doore Dageltaw, kok sa qaran kee baaxol Yalli mayana. Baguuk koo taqbude ku naqoosah litoh tan kacni akak amurruqe waa Dagelta kinnitooh; keenih culte xagana duudusa Dagelta kinnito.

1 Malikwa 8:23 Referans Kwoze

2 Samuwel 7:22

YALLAW, Mulki le Dageltaw, ku nabna celtam matan. Ku bis lem matan. Yalli dibuk koo kinnim dumaak aaxaguk sugne. Yalli dibuk kooy; kok sah Yalli mayana.

Nacmiya 1:5

exceemih, «YALLAW, Qaraanal yan Dageltaw, atu naba Dagelta kinnitooh; nanu kok meysinnah. Koo kicna mara kee ku amri oggola mara lih abte bica xagura Dagelta kinnito. Woo mara luk lito kacani mayambaxa.

Nacmiya 9:32

«Yallaw, ni Dageltaw, nabna lem koo. Qande leeh hayba lem koo. Amurruqe sinni kacanu le Dagelta kinnitok, abeyyo inteh xagana akah cultem abtah. Nanu biyaakak geyneh gide neh ubuley. Assuuriyah malikwa xukkot nee abbaxuk ten dabaanaay akke fanah, kaxxa biyaakah biyaakinne. Ni malikwa kee ni miracwaay, nabuwwa kee seekaay ni kaxxa abbobti kee ni ummatta inkih biyaakitteh. Tonnal hay, nanu biyaakak geyneh gide neh ubuley!

1 Samuwel 2:2

YALLAY taahirik yanik sah yalli mayan. YALLIH bis lem matan. Nee dacrissam Yalla; kaak sa reebu mannu.

Ermiyaas 10:16

Yaqkuub doore Dagelti woo duyyeh bis le Dagelta hinna. Kullim gintem kaa; Israayil ummat ikoytah lem kaa; Kay migaq YALLAY Nabaamak Nabahiyya.

Ermiyaas 10:6

YALLAW, ku bis lem matan. Atu qande le Dagelta kinnito. Ku migaq nabna kee qande le.

Yasaqya 40:25

Kudduusuk yan Yalli iyyam le: «Yot missowtu duddam maay tan? Hay, yi gid takkem maay tani?»

Yasaqya 40:18

Yallat missowtam maay tani? Yallih ceelo iyyi yaaxige? «Anna ceela, woo gurral yan» intu duddah, intam iyya?

2 Malikwa 20:3

Dooqah iyyemii, «YALLAW, inni bagu kee afqadook ku qibaada kee ku taamat sugem atu yok taaxigeh. Ku garil meqem abittoh yok orobtaamat asak suge» 'yaanam dooqah inxicca 'yeeh, namma intik kaxxa ximo kaak akah caxitte weeqah weeqe.

1 Malikwa 6:12

«Anu siinih oobise xinto kee amri oggoltek, a qariy atu away xissahiyyah giddinaamak ku abbah cule xagana duuduseyyo.

1 Malikwa 3:6

Suleeman YALLAK iyyemii, «Yi-abba-Dawuduy ku naqasuh yenehiyyah kaxxa kacanu luk sugteeh; usuk kaadu baguuk kol yaamineeh, cakki-kee qadaalat-le numuk ten. Atu kaah abak sugte maqaane kaak mayseedinnitooy, a saaku kay baxa kay qarkaytol hayte.

1 Malikwa 2:4

YALLI yok iyyeemih, ‹Ku ramad anu aba axcem baguuk agaagul sinnim abeenik, Israayil amoytit ken abeyyoomuh qahdi koh cula› 'yaanam yok iyyeh yan. Tonna kinnuk atu kay amri oggoltek, YALLI too qahdi koh duudusele» kaak iyye.

1 Malikwa 8:24

Yi abba Dawuduy ku naqasuh yeneh culte xagana duudusseh. Duma edde yabba intem inkih, tiya tiyah duudusseh.

Qedra 1:3

Kay ummattak, Yalli sin lih yanay! Tonna'mmay Yarusalaam fan gexxa xicay, YALLAY Israayil doore Dagelta kinnihiyyay Yarusalaam magaalal yanihiyya luk suge qari nammeyhaak xissaanamah idni siinih acee.