1 Malikwa 8:14 - NABUWWA KEE MALIKWA

¹⁴ Sarrak inkih tan Israayil ummatay soltahiyya fan ufkunna 'yeh, dooqa keenih abe.

1 Malikwa 8:14 Referans Kwoze

2 Samuwel 6:18

Dawud sadgatak gaba kalla hee waqdi, YALLAY Nabaamak Nabahiyyah migaaqal, tokkel suge marah inkih dooqa abe.

Nacmiya 8:7

Tohuk lakal solla 'yeeniih soolol elle yeeden. Sarra Leewih yooboke mari xinto elle tani'nna keenih warse. Keenih warissem, Yaasuwa kee Baani kee Sereebiya kee Yaamin kee Qakkub kee Sabbatay kee Hoodiya kee Maqseyaahu kee Kaliita kee Qadarya kee Yoodabad kee Canaan kee Felaaya deqsita numuk ten.

2 Aydaad 7:6

Too waqdi seeka, keenih yeexegen aracal solteeh, Leewih yooboke mari kaadu foocah keenit afkanuk soole. Too waqdi Leewih yooboke mari saareh yaaguren duyyeeyay Dawud keenih bicsiise yoogoren. Dawud abeh cabe saare edde heen. Saareh iyyeenimii, «YALLIH kacani mayamurruqa, kay kacani waarah yan kacanu» axcuk YALLA saarisen. Too waqdi raqqa 'ye mari soolak yeneeh; seeka baanta aagaruk ten.

2 Aydaad 6:3

Sarrak inkih tan Israayil ummatay soltahiyya fan ufkunna 'yeh, dooqa keenih abe.

1 Aydaad 16:2

Dawud sadgatak gaba kalla hee waqdi, YALLIH migaaqal tokkel suge marah inkih dooqa abe.

Yoosuwa 22:6

Sarrak oson isinni buxah gexoh ugten waqdi, dooqa keenih abba heeh, sarrak keenik iyyemii, «Buxa fan gexxan way mango laay lakqo kee dahabaay nacaas kee biriita kee mango sartan luk aduurettoonu'mmay, naqaboytiitik dannabah orbisseenim isinni kedo lih haysita» keenik iyye. Sarrak too mari isi buxa fan gexe. Muusa isih, addunyal yen saaku, Manasseh yooboke marak abxah Ordon weeqaytuk ayrô-mawqa le kabut raqta baaxo yeceeh yen. Raaqe garabah, aki kedooday woo baaxol tani luk, Ordon weeqaytuk ayrô-culma le kabut raqta baaxo Yoosuwa keenih yecee.

2 Aydaad 31:8

Malik Ciskiyyaahu kee kay gubal taamita mari, mattacok tontocowweh gide yublen waqdi, YALLA fayliseeniih kay mara kaadu fayliseenih.