1 Malikwa 8:10 - NABUWWA KEE MALIKWA

^10-11 Seeka woo Sandug daffessa haytek lakal, Taahirik-Yan-Aracih-addak awaquk sugte waqdi, garciik qamburre qarik adda inkih buulteh; YALLIH nabna yaybulle noori, inkih yan qarik adda ifissa hee. Too waqdi seeka isi taama abtuh adda culaanam maduudinnon.

1 Malikwa 8:10 Referans Kwoze

Yasaqya 6:1

Malik Quddiyya edde rabe sanatih addat Goyta uble. Usuk isi dardaarinni korsiy fayya kee nabna lehiyyal daffeyak yeneeh; xagarat culsah le sartan inkih yan Yallih Qibaadah Qari duudeh yen.

Yasaqya 6:4

Ken anay Yallih Qibaadah-Qari akak culan culma yesgeyyeeh; woo qari qeerik yembegge.

Yacedkel 10:4

Tohuk lakal YALLIH nabna yaybulle ifuy kaxxa diifu lehiyya galwa leemik cabba heeh, Qibaadâ-Qarih culma fanah gexe. Qamburre inkih yan Qibaadah-Qari bulte. YALLIH nabna yaybulle ifuy diifu lehiyya Qibaadâ-Qarih daarat duuduse.

Caggay 2:7

Baadal tan doolatwa asgayyeyyooh; luk sugen gadda keenik akke bahha heeyyooh; yi qari gaddaliinok kibbiimele.