1 Malikwa 8:1 - NABUWWA KEE MALIKWA

^1-2 Too dabaanal YALLIH Qahdih Sandug, Dawud Magaalay Siyon deqsitahiyyal sugte. Malcinhaytoh alsay Etaanim deqsittahiyyat yamaate Iraawô-Dabih-Qiid deqsita qiidih ayro, ummatta Yarusalaamal koboxxe waqdi, Malik Suleeman, too Sandug Yallih Qibaadah-Qari fan baahaana'gidih, Israayilik saqoltih yan maraay kedoh abbobti kee makaabonuh seeco abe.

1 Malikwa 8:1 Referans Kwoze

1 Aydaad 15:25

Tohuk gaba kalla heen waqdi, Dawud kee Israayil abbobti kee qaskar-abbobti YALLIH Qahdih Sandug baahaana'gidih, Yoobad-Edom deqsita numih buxay woo Sandug elle yanihiyya fanah gexen. Too ayro kaxxa qaffayda kee farcat aben.

Yasaqya 46:13

Anu akah exce innah, cakki edde geytimu waa ayro xayih. Yi wadu baahu waa ayro xayih. Yarusalaam edde wadu waa ayro xayih. Israayil ummatah yi qax-maqaane aceeyyo» iyyah yan.

Yasaqya 28:16

YALLAY Mulki le tohuh iyyamaa, «Siyoonul yigirriben xaay limo mangooh, digga le rakiibo yakkehiyya heeyyo. Yoo yaamine num mabadita.

Qedra 3:1

Malcinhaytoh alsat kulli num isi magaalal keenik dabaaqah gace. Tohuk lakal yakkeenimiik Yarusalaamal gaaboowen.

2 Aydaad 30:1

Ummatta Elle-Tatriyyi-Qiid naharsi alsay kaa elle abeh meqehiyyat abaanam maduudinnon. Woh akah takkem, seekak faxxintah gide taahirik masuginnaay; tonnah kaadu Yarusalaamal mango mari gaabooweh masuginna. Tonna-leemiik Malik Ciskiyyaahu kee kay gubal taamita mara kee raqqa 'te ummatta, woo qiid ciggiila alsat abaanamat caben. Too waqdi Malik Ciskiyyaahu inkih tan Israayil kee Yuudah ummattah farmo ruube. Efrayim kee Manasse kedoh meqe innal yuktube warkat ruubeeh iyyeemih, «Yarusalaamal yan YALLIH Qibaadah-Qaril YALLAY Israayil doore Dagelta kinnihiyyah nabna edde kassinna Elle-Tatriyyi-Qiid abna'gidih ama» 'yaanam keenih yuktube.

1 Aydaad 28:1

Malik Dawud inkih tan Israayil abbobtih seeco abe. Keenih akah seecem, Yarusalaam magaalal gaaboowaana'gidik ten. Too seecol kedoh abbobti kee, kay dardaarinni maadda haa baaxol doolat abbobtih yan mara kee, gulub-gulubuk abbobtih yan mara kee, malik kee kaak lab-xaylo edderra hayte midirik amo wagitak yan mara kee, kay qaril abbootan luk yan mara kee, qaskarak foocat tan qaskar kee, wohuk kalah yan maray muxxo lehiyyak num maraaqinnay, inkih Yarusalaam magaalal gaaboowen.

1 Aydaad 15:29

Sandug Yarusalaam magaala culsan waqdi, Saawuluk raqte baxáy migaaqah Miikala deqsitak teneeh Dawud abbaxuk yenehiyya taagatak afah wagga hayte. Too waqdi tet baqalay YALLIH massakaxxah wonnak annah farcatah yargideeh gubak falita tuble. Toh tuble waqdi, «Ah tu'numuk tanih matan!» 'yaanam niyal hayteeh kaa burutteh.

1 Aydaad 15:3

Sarrî-saaku Dawud inkih yan Israayil marah Yarusalaam magaala yamaateenimih farmo ruube. Woo farmo akah keenih ruubem, Qahdi-Sandug Yarusalaam magaala fanah baahaana'gidik ten.

1 Aydaad 11:7

Dawud woo qalel sugte megdebwa le aracal buxah yeneeh; tonna-leemiik too aracak ‹Dawud Magaala› 'yaanam iyyen.

1 Malikwa 3:15

Suleeman xiinik ugte waqdi, Yalli soonol kaa'lih yaabem yeexegeh. Sarrak Yarusalaam magaala gexeeh, YALLIH Qahdi-addat-akak-yan-Sanduguk foocal sollu 'yeh, cado-akak-carrisan-sadgatah saq qide. Tonnah kaadu, amaanah-xiinaanamih-asta-yakke-sadgat abeeh, kaa'lih taamita marah inkih xigla abe.

2 Samuwel 6:6

Nakon deqsita num luk suge aracay darok caffa elle baxsaanahiyya gufen waqdi, Yallih Qahdi addat akak yan Sandug elle yan gaari beyak sugte awurwa tondofoofoleh. Too waqdi Qudda deqsita num Sandug radaamak gabah yibbixeeh rade kaleh.

Yoosuwa 24:1

Yoosuwa Seekem deqsita aracal Israayilik rade mara inkih gaaboyse. Tokkel idoola kee kedoh abbobtiiy cokmaaba kee ummattâ qaskarih abbobtih inkih seeco abeeh; oson Yallih Qibaadah Siraqih foocal gaaboowen.

Yoosuwa 23:2

Tonna-leemiik Israayilik idoolaay kedoh abbobtiiy cokmaaba kee ummattâ qaskarih abbobtih inkih seeceeh, keenik iyyeemih, «Anu kaxxam idooliteh an.

1 Malikwa 2:10

Sarrak Dawud amrih rabeeh, Yarusalaamal geytimta Dawud-Magaalal yaaxigen caafatal kaa yoogoqen.