1 Malikwa 7:51 - NABUWWA KEE MALIKWA

⁵¹ Tonnah abak, Suleeman YALLIH Qibaadah-Qarih xisnek gaba kaleh. Too waqdi Suleeman, kay abba Dawud YALLIH qibaadah loowe duyyey rikeek abbaxuk sugehiyya gaabossa heeh, sarrak Qibaadah-Qarik mattacoh yaceen duyye elle daanisan golitteh addal hee. Tohumuu, dahab kee lakqo kee, kaadu wohuk kalah, gersi duyyek ten.

1 Malikwa 7:51 Referans Kwoze

2 Aydaad 5:1

Tonnah abak, Suleeman YALLIH Qibaadah-Qarih xisnek gaba kaleh. Too waqdi Suleeman kay abba Dawud YALLIH qibaadah loowe duyye rikeek abbaxuk sugehiyya gaabossa heeh, sarrak Yallih Qibaadah-Qarik mattacoh yaceen duyye elle daanisan golitteh addal hee. Tohumuu, dahab kee lakqo kee, kaadu wohuk kalah, gersi duyyek ten.

Zakariyya 4:9

YALLI yok iyyeemih, «Darabbabel yi qarih xisneh rakiibo bicseeh; ahaysa gaba akak kalele. YALLAY Nabaamak Nabahiyya sin fanah yoo ruubem too saaku aaxigetton.

Qedra 6:15

Yallih Qibaadah-Qarih xisnek, Daryawes deqsita malik edde dardaare laceyhaytô sanatak Adar deqsita alsak sidochaytoh ayrot gaba kalen.

1 Malikwa 15:15

Kay abba kaak dumal YALLIH qibaadah orobta'gidih heeh suge duyye kee, usuk isih YALLIH qibaadah taamat asisa'gidih rikeek heeh suge dahab kee lakqo kee gersi duyye bahha heeh, YALLIH Qibaadah-Qarih addal hee.

1 Malikwa 6:9

Malik Suleeman Qibaadâ-Qarih-xisnek gaba kaleh. Qarik adda le kabul amô-tabsi coox kee luucaanah, sariidah caxak heen.

1 Malikwa 6:14

Suleeman Yallih Qibaadah-Qarik gaba kaleh.

2 Malikwa 25:15

Wohuk kalah, qaskar abbah yen num, dahab kee lakqok bicissa heen duyyey sugga 'tek xikcin elle haan kabaabaay qunxa sacnitte kee disti agantah, tu macabinnaay inkih beeh.

2 Aydaad 8:15

Duma kay abba, seeka kee Leewih yooboke mara wagitta qaadak duyye elle haan golitte kee, wohuk kalah taniimiy usuk edde yaabeh cabe inkih Suleeman yugdubeh.