1 Malikwa 7:26 - NABUWWA KEE MALIKWA

²⁶ Woo tanak masuh gaba gennaqtah gide akkuk yen. Af akak figgaan af ceelak yen. San-san akak xambaqu luk cabeenih yenen. Too tanak leek morootom alfih litri abbaxuk yen.

1 Malikwa 7:26 Referans Kwoze

2 Aydaad 4:5

Woo tanak masuh gaba gennaqtah gide akkuk yen. Af akak figgaan af ceelak yen. San-san akak xambaqu luk cabeenih yenen. Too tanak leek lactam alfih litri abbaxuk yen.

Ermiyaas 52:21

Woo namma qamiddi titta ceelak yen. Kulli ti akak xexxaarah taban kee bacra cusul akkuk yen. Baguh a exxaay woo exxa taban kee namma cusulih gide akkuk yen. Adda akak gorra le caxxi innah gorrah ten. Tattab akak masuh gennaqtâ-gide akkuk yen.

1 Malikwa 7:38

Curam gaariirak kalah kaadu tabna sacni bicse. Too tabna sacnik kulli sacni, gaarik bagul heenih yenen. Kulli sacnik a exxaay woo exxa affara cusul xexxaarah akkuk ten. Kulli sacni bacra boolih litri leek abbaxuk yen.

1 Malikwa 7:19

Qamidwah amot heen namma sacni-af-le-duyyek amol kaadu aki mansafway birro weelo luk tenehiyya hee. Kulli tiiy fayyah affara cusul akkuk yen.

1 Malikwa 6:35

Too namma alifih bagul, galwa leemiiy nakliita kee qobor taswir yen. Bagul dahab exfeenih akak yenen.

1 Malikwa 6:32

Too Kulliimik-Taahiriinoh-Yayse-Golik alfentih bagul, galwa leemih ceelo kee, nakliita kee qobor taswiirih akak heen. Sarrak woo namma alifu kee, nakliitah coox kee galwa leemih ceeloy woo namma alifih bagul taswiirih heenihiyya dahabat exfen.

1 Malikwa 6:18

Qarik adda qobor kee xalooli taswiir elle heen sariidah cooxut bilqisen. Qari akak bicsen xeet ambulle waa'gidih, qarik bagu inkih sariidat alfen.

1 Malikwa 7:25

Too tanak nacaasak bicsen taban kee namma awurih ceeloh amol daffeyseenih yenen. Too awurwak kulli sidocuuy inki kabul afkanuk yen.

1 Malikwa 7:27

Tohuk kalah kaadu, tabna gaari nacaasak bicse. Woo tabna gaarik kulli gaari, xexxaarah affara cusul akkuk teneeh, baguh kaadu affara cusul akkuk teneeh, sidooca cusul kaadu fayyah luk ten.

Yacedkel 45:11

« ‹Eefa› deqsita miizaanay kafnaan le duyye elle keexaanahiyya kee ‹Baas› deqsita miizaanay caxittam elle keexaanahiyyah gide yakke. Ta nammam inkih elle keexaanamak ‹Hoomar› deqsita miizaan yan. Inki hoomar tabna eefa yakkeeh, kaadu tabna baas yakke.