1 Malikwa 6:1 - NABUWWA KEE MALIKWA

¹ Israayil-mari Masri cabeh yemeeteemih affara bool kee bacra tabanih liggidi tikkaay, Suleeman Israayil-marih-malik yekkeemih affara sanat tikka 'ye saakuy, alsak kaadu Diw deqsita alsay nammayhaytoh alsa kinnihiyyat yanin saaku, Suleeman Yallih Qibaadah-Qarih-xisne qimbise.

1 Malikwa 6:1 Referans Kwoze

1 Aydaad 29:19

Yi baxa Suleeman ku xinto kee amriiy atu intem baguuk aba'gidih, fayxi kaah ucuyaay; a Qibaadah-Qariy xisnê-duyye akah eceehiyya xisa'gidih, fayxi kaah ucuy» 'yaanam axcuk Yalla luk yaabe.

1 Malikwa 6:37

YALLA elle yaqbuden Qarih rakiibo, Suleeman malik edde yekke fereyhayto sanatak nammeyhaytoh alsak Diw deqsitahiyyat aben.

Zakariyya 6:15

YALLIH Qibaadah-Qarih xisneh allal yan mari amaateleeh, xisnet gaba assagallelon. YALLAY Nabaamak Nabahiyya sin fanah yoo ruubem too saaku aaxigetton. Tonna'mmay tah inkih takku waytam, isin YALLAY sin Dagelta kinnihiyya aba iyyem dudda luk abtoonu waytan saaku.

Makaabon 11:26

Israayil mari sidiica boolih sanatah Cesbon kee Qarooqer deqsitta magaalooli kee, woo aroocah dariifal tan mandarwa yibbixeenih sugeeniih; kalah kaadu Arnon weeqaytih dariifal sugga 'te magaalooli yibbixeenih yeneenik, hay, a gideey a gideh woo baaxooxa macah gacse wayten?

1 Malikwa 6:2

Too qariy Suleeman xisehiyyak adda woo exxaay a exxah xexxaarah lactam cusul akkuk teneeh, baguh labaatanni cusul akkuk ten. Soddom cusul fayyah akkuk ten.

1 Aydaad 6:10

Yocananaay Qadarya xale. Qadarya, Suleeman Yarusalaamal xise Qibaadah-Qaril Yallih seekih yen.

Qedra 5:11

«Too waqdi nek iyyeenimih, ‹Nanu qaran kee baaxoh abbah yan Dageltih naqoosa kinninooh, away xisnam dumaak xissiimeh suge Yallih Qibaadah-Qariiy; a duyye addal akak hayteeh kaa xissem, duma suge Israayil malikiy kaxxa massakaxxa luk sugehiyya.

Caggay 1:8

Away uguta. Woo saagan elle yan qaleela fan gexay saagan baahaay, yi qari edde xisa. Tah abteenik, anu ruffu axceyyooh; tokkel yoh taguude qibaada yoh abetton. Tah intam yoo YALLA› keenik inxic» 'yaanam kaak iyye.

2 Aydaad 3:3

Yallih Qibaadah-Qariy Malik Suleeman xisehiyya xexxaarah too saaku aaxaguk yenen cusuluk lactam akkuk yeneeh, labaatanni cusul baguh akkuk yen.

Yacedkel 41:1

Wohuk gaba kale waqdi, gudel raaqa goli fanah yoo bee. Tohuu, Taahirik Yan Aracak ten. Too arac fan beya gita yimittire. Too arac xexxaarah sidooca mitri yekkeeh,