1 Malikwa 5:6 - NABUWWA KEE MALIKWA

⁶ Ku mari Lubnaan baaxok sariidâ-coox yoh yargiqeeni'gidih, garbo fan ken rubtam kok faxa. Yi marak kaadu tu takkem ken lih taamitta'gid ruubeyyo. Atu akah taaxige'nnah, caxâ-garuq ku mari gersi marak inkih yayse. Cawalah, atu ucuya axcinnaanih gide keenih aceeyyo» kaak iyye.

1 Malikwa 5:6 Referans Kwoze

2 Aydaad 2:8

Ku mari, coox-garuq kee missoysiyyal nagay tan ixxiga loonum keenik aaxigeh immay, Lubnaan rasuk sariida kee saagan kee gersi coox irgiqay yoh ruubetto. Anu inni kabuk ken catu waa mara ruubeyyo.

Qedra 3:7

Tonna leemiik, Fursi-malikiy Kooris migaq luk yenehiyya Israayil marak «Aba» elle iyye'nnal, Lubnaan rasuk Yaffa deqsitta magaala fan *sariidâ-coox badal baahen. Sarrak too sariidah meklah darooy, qinabak bicsen kamri kee caxâ xaylok bicsen *zeyti (saliid) Suur kee Sayda deqsitta namma magaalal yen mara fan ruuben. Xisne aba mara kee xisnê-coox yaysorooroce marah cawalah lakqo yaceen.

2 Aydaad 2:10

Too taamat yoh tamsissu wayta marah qasbih, namma malyoonih kiilo takke kamadi kee, namma malyoonih kiilo takke gabru deqsitta darooy, affara boolih alfih litri yakke kamriy qinabak bicseenihiyya kee, caxâ xaylok bicsen *zeytik affara boolih alfih litri ruubeyyo» 'yaanam farmoh kaah ruube.

1 Malikwa 6:20

Woo arac xexxaarah labaatanni cusul akkuk yen. Baguh kaadu labaatanni cusul akkuk yen. Fayyah kaadu labaatanni cusulih gide akkuk yen. Golik adda inkih, agle sinni dahabak exfen. Sadgat elle aban aracay sariidak bicseenihiyya kaadu agle sinni dahabak exfen.

1 Malikwa 6:16

Kulliimik-Taahiriinoh-Yayse-Goli deqsita goli elle yenem, Qibaadâ-Qarik iqiyak ten. Too golik gambi sariidak bicse. Qibaadâ-Qarik darre le kabuuk woo aracak goli gambi fan, xexxaarah labaatanni cusul akkuk yen.

1 Malikwa 5:7

Curam, Suleeman kaah ruube farmo yoobbe waqdi, kaxxam ruffa 'yeh, iyyeemih, «YALLAH fayla taafay. Macaay inteenik, Dawuduh a xaqan le kasloytah yan baxa, kay lakal Israayil baaxoy nabna lehiyyal malikih hee» 'yaanam iyye.

1 Malikwa 9:27

Malik Curam isi taamat luk yen maray badal maraakibit elle gexan innih ixxiga lehiyya, too maraakibit Suleeman mara lih taamita'gidih, catoh kaah ruube.

1 Aydaad 22:4

Tohuk kalah kaadu, Suur kee Saydah magaalah mari mango *sariidâ-coox kaah baahaana'gidih, bica ken lih haysite.

Zakariyya 11:12

Keenik exceemih, ‹Yi cawal yoh taceenik yoh acuya; manaca inteenik raqsita› keenik exce. Toh keenik exce waqdi soddom garsi yoh yeceen» iyye.

1 Malikwa 9:19

Lee-kee-qayso akak inxicca 'yaanam kee, faaris kee faarisit beyan gaariira daanah elle hayu waa magaalooli ta marat bicse. Wohuk kalah kaadu, Yarusalaam takkuu, Lubnaan takkuu, hinnay kaadu, kay dardaarinni guffa haa baaxol usuk faxxa haa xisne ken gabat xise.

1 Malikwa 10:26

Suleeman alfi kee affara bool takke gaariiray faaris beyta kee, taban kee namma alfih farasay qeebi abtahiyya gaabossa hee. Tohuk tu takkem Yarusalaamal abbaxuk yeneeh; wohuk kalihim mango magaaloolil kaak ten.

2 Aydaad 1:14

Suleeman alfi kee affara bool takke gaariiray faaris beyta kee, taban kee namma alfih farasay qeebi abtahiyya gaabossa hee. Tohuk tu takkem Yarusalaamal abbaxuk yeneeh, wohuk kalihim mango magaaloolil kaak ten.