1 Malikwa 4:8 - NABUWWA KEE MALIKWA

⁸ Too taban kee namma numih migaq kee reeda elle luk sugen rakaakayitteh migaq ah kaana: Cuur-baxi abbah elle sugem, Efrayim rasuk qaleela mango aracak ten.

1 Malikwa 4:8 Referans Kwoze

Yoosuwa 24:33

Haaruun baxi Alqedar kaadu rabeeh; Gibqa deqsitta magaalal kaa yoogoqen. A arac Efrayim rasuk qaleelah tan baaxol geytima aracay kay baxa Fincasah yeceenihiyyak ten.

Makaabon 19:1

Israayil mari malik luk suge wee dabaanal, uli Leewih yooboke num yen. Too num Efrayim-rasuk qaleela le baaxok darre le kabut raqta baaxol buxah yen. Too num Yuudâ-rasul geytinta Beetlacam-magaalak, caggoytâ-gubih caggoyta kaah takke'gidih, baxuwwa bee.

Makaabon 17:1

Dumah yan saaku Miika deqsita num suge. Too num dabqah Efrayim rasuk qaleela mango baaxol suge.

1 Malikwa 4:7

Suleeman dabaanal, inkih tan Israayil baaxol enna 'ta taban kee namma rakaakay, taban kee namma abba luk ten. Too taban kee namma abba sanatal inki alsa, malik kee malik buxah marah, leek maaqo baahak yenen.

Yoosuwa 19:50

YALLI elle iyye innal, usuk isih elle essere aracal baaxo kaah yeceen. Usuk faxem, qaleela le Efrayim rasuk Timnat-Serac deqsitta magaalak ten. Too magaala kaah yeceen. Usuk woo magaala nammeyhaak xisak uqusbussa heeh dabaaqah elle gace.