1 Malikwa 4:26 - NABUWWA KEE MALIKWA

²⁶ Suleeman faaris-gasoosay gaari edde beya faaris tabbixehiyyak morootom alfi gaso luk yen. Tohuk kalah kaadu, amot akak gacan faariisak taban kee namma alfi luk yen.

1 Malikwa 4:26 Referans Kwoze

2 Aydaad 1:14

Suleeman alfi kee affara bool takke gaariiray faaris beyta kee, taban kee namma alfih farasay qeebi abtahiyya gaabossa hee. Tohuk tu takkem Yarusalaamal abbaxuk yeneeh, wohuk kalihim mango magaaloolil kaak ten.

2 Aydaad 9:25

Tohuk kalah gasoosak affara alfi takkem luk yeneeh; toh akah abbaxuk yenem, faaris kee faaris giitak beyan gaariira. Tonnah kaadu taban kee namma alfih farasay qeebi edde abaanahiyya luk yen. Too faroosak garab Yarusalaam magaalal abbaxuk yeneeh; wohuk raqtem kaadu gersi magaaloolih addal abbaxuk yen.

2 Samuwel 8:4

Dawud alfi kee malcina boolih qaskaritay faras amok qeebi aba kee, ibi qaskarak labaatanni alfih num kaak yibbixe. Woo faarisik bool takkem gaari edde beyaana'gidih raaqiseeh, raqqa 'te faariisak xukcuunul yiggileeh iba waysiise.

1 Malikwa 4:27

Usuk rakaakayah abbobtih hee taban kee namma numuk, kulli num faxxinta maaqo edde baaha'gidih, kaal yeexegen alsat maqidda kaah ruubak yen. Kaa kee kay buxah mara kee kay buxal maaqo ukumma haa marah maaqok faxxa haanam oson keenih baahak yenen. Maaqok faxximma 'tam xayyoosak sugen.

1 Malikwa 9:19

Lee-kee-qayso akak inxicca 'yaanam kee, faaris kee faarisit beyan gaariira daanah elle hayu waa magaalooli ta marat bicse. Wohuk kalah kaadu, Yarusalaam takkuu, Lubnaan takkuu, hinnay kaadu, kay dardaarinni guffa haa baaxol usuk faxxa haa xisne ken gabat xise.