1 Malikwa 4:25 - NABUWWA KEE MALIKWA

²⁵ Usuk suggu 'yem fan, Israayil kee Yuudah yooboke mari amaanah xiinak suge. Kay dabaanal Israayil kee Yuudâ rasul suggu 'ye mari amaanah yeneeh; numtin amol qinab-xalta-caxa kee *sublayto luk yenen.

1 Malikwa 4:25 Referans Kwoze

Miika 4:4

Kulli num isi buqre kee isi bustaanih garil amaanah xiineleeh; akak meysitaanam matan. Tah abtu waytaamih xagana cultem, YALLAY Nabaamak Nabahiyya.

Zakariyya 3:10

Too ayro kulli num siinik qinab coox kee salfa le caxâ-miru xala cooxih gubal gacca 'teenih, cuggaaneh siinik yan marah qibnaytiinoh isinni buxal xigla abettoonuuh; amaanah xiinetton. Tah intam yoo YALLAY Nabaamak Nabahiyya› 'yaanam iyyah yan» iyye.

2 Malikwa 18:31

Qagseh yab bisoh beyak iyyemii, «Assuuriyah malik siinik iyyemii, ‹Bica yo'lih abaay, edde tanin ikkek eweqay gaba yol acuya. Toh abteenik, kulli num siinik is qinabih xaylo akmeleeh, isinni *sublak kaadu sublâ-xaylo akmettoonuuh, isinni qelwak lee aaqubetton.

Makaabon 20:1

Tah yoobbe mari, Israayil mari elle eneyya 'ya ikkek, Gilqad rasul elle suge marih agantah, num maraaqinnay, inkih yakkeenimik Mixfa deqsita aracal YALLIH foocal gaaboowen.

Yacedkel 38:11

Cato sinni baaxoh maray carbi able weeh, amaanah xiinaah, gaso sinni magaaloolil yanihiyya qeebit tabbixeemil malsetto.

Yasaqya 60:18

Umaane sinaamat abaanam gaba kalele; umaane ahaysa rasu kok mabayissa. Yi wadoot reebu koh akkeleeh; kaxxam yoo faylisetto.

2 Samuwel 24:15

Tohuk wadir YALLI Israayil rasul dalka ruubeeh; too saakih maacak xabba haanamaay Yalli isih woo lakima eyseedeyya haam fanah, inkih yan Israayil rasul malcina-tabanih alfih num too dalkat rabe.

2 Samuwel 17:11

Tonna leemiik, anu innih kasah kok axceemih: Israayil maray mangah qiddeyti inna lehiyya Israayil baaxok woo exxaay a exxak inki'kkel gaabossu haysay, gaaduh isih foocat keenik gacca 'xicaay ken bey.

1 Samuwel 3:20

Sarrak Israayil mari kulli kabuk inkih yakkeemiik, Samuwel YALLIH nabi kinnim yeexegeenih.

1 Aydaad 22:9

Takkay immay toh iyyeemih qahdi yoh culeeh yok iyyeemih, ‹Lab-baxay baaxo amaanah xiinisu waahiyya xalettooh; too amaan anu innih kaah aceeyyo. Naqaboytiitik amaanah kaa xiiniseyyo. Migaq kaak Suleeman deqsitele. Kay dabaanal Israayil ummat carbi matablaay amaanah xiinele.

Yasaqya 36:16

Qagseh yab bisoh beyak iyyemii, «Assuuriyah malik siinik iyyemii, ‹Bica yo'lih abaay edde tanin ikkek eweqay gaba yol ucuya. Toh abteenik, kulli num siinik is qinabih xaylo akmele. Sin *subla siinih xalta xaylo akmetton; isinni qelwak lee aaqubetton.

Yacedkel 39:26

Anu taahirik yan Dagelta kinniyom sahda aybulle'gidih, inni mara naqboytit lih elle yanin aracak ayyaaqeyyo. Ahak sarra isinni baaxoy num ken elle meysiise waahiyya uduurra 'yeenih amaanah xiinoonu waan saaku, duma yok yexxeereenim kassa haan waqdi wacarriyelon.