1 Malikwa 4:24 - NABUWWA KEE MALIKWA

²⁴ Suleeman Furaat-weeqaytuk ayrô-culma le kabut raqqa 'ta baaxok, Tifsac-rasuk xabba haanamaay Gaadâ-magaalah amma 'yaanam tan baaxo isi milkih hee. Furaat-rasuk ayrô-culma le kabut raqta baaxol sugte malikwa inkih kay gubat gacte. Cuggaaneh kaak tan baaxooxah mara kee kay fan kaxxam muquk ten.

1 Malikwa 4:24 Referans Kwoze

1 Aydaad 22:9

Takkay immay toh iyyeemih qahdi yoh culeeh yok iyyeemih, ‹Lab-baxay baaxo amaanah xiinisu waahiyya xalettooh; too amaan anu innih kaah aceeyyo. Naqaboytiitik amaanah kaa xiiniseyyo. Migaq kaak Suleeman deqsitele. Kay dabaanal Israayil ummat carbi matablaay amaanah xiinele.

Yasaqya 9:7

Kay abbootan osak oseleeh, ambaxe sinni amaan gacele. Dawud korsil gaceleeh, kay baaxol ellecaboh ayro fanah dardaarah anuk, qadli kee cakkih yan gitat xiinisele. Taham YALLAY Nabaamak Nabahiyya isi mara yaysiiseemih fayxi kee, keenih le kaxxa kacanuk akkele.

1 Malikwa 5:4

Awayah tu gactek, YALLAY yi Dagelta kinni deraafil yan mara lih amaanah yoo xiinisa. Naqboytit mayyuuy, akak gadaamitam kaadu mayyu.

1 Malikwa 4:21

Suleeman reedah amol akak yenem, Furaat weeqaytuk xabba haanamaay Filistiin kee Masri cuduuduh amma 'yaanam tan baaxok ten. Too mari gabbara kaah acayuk, usuk addunyal suggu 'yem fanah kay gubat sugen.

Makaabon 16:1

Ayrok teena Samsoon Gaada deqsitta magaala gexe. Tokkel xiiqareh-xiina geeh tet lih xiine.

Makaabon 1:18

Yuudah yooboke mari kaadu Gaada kee Askalon kee Ekron deqsitta magaalooli kee too magaaloolih dariifal tan baaxo yibbixen.

1 Malikwa 4:23

Too daro lih gabâ-maaqoh sugsen awurwak taban kee, qaysoh sugte awurwak labaatanna kee, illi kee wadarak bool takkem kulli ayro maaqoh qidak yen. Toh lih kaadu wayxex kee qarkuddo kee segeeri kee dorrahik mangom keenih baahak yenen.

2 Aydaad 9:26

Furaat weeqaytuk xabba haanamaay Filistiin rasu kee Masri cuduuduh amma 'yaanam tan baaxol enna 'ta malikwak abbah raqtaah keenil ackumuk tenemii, Malik Suleemanak ten.

Ermiyaas 47:1

Masri-malik, Gaada deqsitta magaala yabbixeemik duma, YALLI *Filistiin marih giddinaamak nabi Ermiyaasal qangara oobise.