1 Malikwa 4:23 - NABUWWA KEE MALIKWA

²³ Too daro lih gabâ-maaqoh sugsen awurwak taban kee, qaysoh sugte awurwak labaatanna kee, illi kee wadarak bool takkem kulli ayro maaqoh qidak yen. Toh lih kaadu wayxex kee qarkuddo kee segeeri kee dorrahik mangom keenih baahak yenen.

1 Malikwa 4:23 Referans Kwoze

1 Malikwa 4:22

Suleeman kee Suleeman-marih fanal kulli ayro maaqok ankammuk tenemii, nabam adda meqe bululuk bool kee labaatanni kiis kee, tonnah kaadu, cabubuk namma bool kee morootom kiis takkem ankammuk ten.

1 Malikwa 4:24

Suleeman Furaat-weeqaytuk ayrô-culma le kabut raqqa 'ta baaxok, Tifsac-rasuk xabba haanamaay Gaadâ-magaalah amma 'yaanam tan baaxo isi milkih hee. Furaat-rasuk ayrô-culma le kabut raqta baaxol sugte malikwa inkih kay gubat gacte. Cuggaaneh kaak tan baaxooxah mara kee kay fan kaxxam muquk ten.