1 Malikwa 4:21 - NABUWWA KEE MALIKWA

²¹ Suleeman reedah amol akak yenem, Furaat weeqaytuk xabba haanamaay Filistiin kee Masri cuduuduh amma 'yaanam tan baaxok ten. Too mari gabbara kaah acayuk, usuk addunyal suggu 'yem fanah kay gubat sugen.

1 Malikwa 4:21 Referans Kwoze

Yoosuwa 1:4

Sin baaxo cuduud gabbi le qaxat raqta bacarih tan baaxok xabba haanamaay Lubnaan qaleelah amma 'yaanamaay, tohuk kalah kaadu Furaat kaxxa weeqaytuy ayrô-mawqat yanik xabba haanamaay, Ciitah yooboke marih baaxo edde anuk, Maditraaniyah Badat idiyya 'yaanam sinimi.

1 Malikwa 4:24

Suleeman Furaat-weeqaytuk ayrô-culma le kabut raqqa 'ta baaxok, Tifsac-rasuk xabba haanamaay Gaadâ-magaalah amma 'yaanam tan baaxo isi milkih hee. Furaat-rasuk ayrô-culma le kabut raqta baaxol sugte malikwa inkih kay gubat gacte. Cuggaaneh kaak tan baaxooxah mara kee kay fan kaxxam muquk ten.

Qedra 4:20

Cayla leelah tan malikwa Yarusalaam kee inkih yan Furaat Weeqaytuk Ayrô-culma le kabut Raaqa Rakaakay reedisak yenen. Too rasih marak gabbara kee mango lakqo beyak sugen.

2 Aydaad 32:23

Mango mari Yarusalaam fan Yallah sadgat baahen. Ciskiyyaahuh kaadu tuxxiq le mattaco baahen. Tohuk gexxaamah too ayrook wadir, kulli rasih mari Ciskiyyaahu assakaxxayuk raaqen.

2 Aydaad 17:5

Yacoosafatah YALLI Yuudâ-rasul-milkiino yeceeh; tonna-leemiik Yuudâ rasi kay milkih yen. Yuudah-ummat inkih mattaco kaah bahteeh; tohuk gexxaamah gaddaliy ummat tassakaxxehiyya yekke.

2 Malikwa 17:3

Assuuriyah-malikiy migaaqah Salmaneser deqsitahiyya Israayil-rasut qeebi abe. Sarrak Hosiqa kay gubal gace. Tohuk lakal kulli sanatal qusuur kaah acayuk yen.

1 Samuwel 10:27

Takkay immay dago maray umaane ugsam faxahiyya yen. Too mari, «A num-baxi maca neh xiqele?» 'yaanam axcuk kaa burteenih, tohuk gexxaamah mattaco kaah mabaahinnon. Saawuluh tu gactek, oson abeenimit baaqid mahaysitinna.

2 Samuwel 8:2

Tohuk lakal kaadu Mooyab marak yeyseh. Sarrak carbit yibbixe mara baaxok bagul deerih ken hayya heeh, akatal ken kiyassa heeh, sidoc-sidoc yakke marih addak namma-namma num keenik beyak ken qide. Tohuk wadir Mooyab-mari kay gabat gaceh, gabbara kaah acayuk yenen.

2 Samuwel 8:6

Sarrak Damaskoh-rasih addal isi qaskar hee. Tohuk wadir too mari kay gubat gaceeh gabbara kaah agdayuk raaqe. Dawud qeebi elle abinnaan ikkel YALLI nasri kaah yecee.

1 Malikwa 3:13

Kalah kaadu, atu yoo essere waytem koh abeyyo. Addunyal tanim fan kok kalih malik aalle waa gaddaliino kee nabna kot heeyyo.

1 Malikwa 4:22

Suleeman kee Suleeman-marih fanal kulli ayro maaqok ankammuk tenemii, nabam adda meqe bululuk bool kee labaatanni kiis kee, tonnah kaadu, cabubuk namma bool kee morootom kiis takkem ankammuk ten.

1 Malikwa 12:4

«Ku abba Suleeman duma uma xinto kee kaxxa gibdaabinat nee abbaxuk suge. Usuk nee edde abbaxuk suge gibdaabina nel sahhilossu waytek, ku xintot xiinenno» kaak iyyen.

Yacedkel 16:13

Mango bilay dahab kee lakqok bicseenihiyya luk ten. Talbi-qaala kee cariirik bicsen sartanay mango dilwa lehiyya luk ten. Adda meqe darok aben gaqambooy, malab kee caxâ xaylok bicsen *zeyti ku maaqoh sugte. Qaxah wir axcuk teneeh; tohih sabbatah malikáh innah gacte.