1 Malikwa 3:7 - NABUWWA KEE MALIKWA

⁷ YALLAW, yi Dageltaw, yooy ku-naqasuh-yanihiyya yi abbah aracal hayte. Tonna'mmay anu ahayduma qunxa num kinniyoh, sahda elle xiinisa inna matteexega.

1 Malikwa 3:7 Referans Kwoze

1 Aydaad 29:1

Malik Dawud inkih tan ummatak iyyeemih, «Yalli malikih siinih doorem, yi baxa Suleemana. Takkay immay usuk ahayduma qunxa numuuy; taama elle aban innih ixxiga mali. Away xisneh kaa qambaltam, malik-qari hinnaay, Dageltah yan YALLIH Qibaadah-Qari. Tonna-kinnuk mango taama faxxiimele.

Ermiyaas 1:6

«Too waqdi anu Yallak exceemih, ‹YALLAW, Mulki le Dageltaw, anu innih qunxa num kinniyooh, elle yaaba'nna maaxiga› exce.

Daaniyel 5:21

Ummattah addak yewqeeh, kas kaak saqi kas yekke. Dabqih dibookalwa lih gaceeh laahi'nnah qayso yokme. Xiina waqdi qaraanak ooba naafi xagar kaak arquse. Sarra ellecabol Yallay kulliimik daga raaqahiyya a addunyah abbootan yamlikeeh, isih faxe marah yaceem yeexegeh.

Daaniyel 5:18

Malikow, Yallay kulliimik daga raaqahiyya ku abbah yen Nabkadnessar kaxxa malik abeeh migaq kee heebatiiy nabna kaah yecee.

Daaniyel 4:32

sahdak koo baxissa heenih dabqih alluwwa lih gacetto. Malcina sanatih gide laahi innah qayso akamuk sugetto. Sarrak Yallay inkih daga raaqahiyya a addunyah abbootan yamlikeeh, isih faxe marah yacayu duudam aaxigetto» kaak iyye.

Daaniyel 4:25

Sahdak koo baxseloonuuh; alluwwa lih dabqih gacetto. Malcina sanatih gide laahi innah qayso akamuk, gubbik bagul xiinetto. Qaraanak ooba naafi xagar kok arqusele. Too waqdi sahdayti le abbootan tamlikem, Yallay inkih daga raaqahiyya kinnim aaxigettooh, tet kaadu isih faxe marah yacayu waam aaxigetto.

Daaniyel 2:21

Kulli wakti tamlikem kaa; malik abtaah kaltam Yalla. Kas le marah kas taceem kaa; numuh ixxiga taceem kaa.

2 Samuwel 5:2

duma Saawul suge saaku carbi yakke way, ni marih foocat sugtem kook ten. YALLI kaadu isi mara miraacisah dacrisa abba koo abeleemih qahdi koh culeh yen» kaak iyyen.

1 Samuwel 18:16

Takkay immay kaak kalih maray Israayil kee Yuudâ rasul yenehiyya inkih, carbi aben waqdi Dawud ken miraaciseemih sabbatah, kaa yikcinen.

1 Aydaad 22:5

Dawud isi niyal heemih, «Yi baxi Suleeman xisu waa Yallih Qibaadah-Qari kaxxam meqeeh addunyal edde yabba 'yan qari yakkeemi» 'yaanam niyat heeh yen. «Yi baxi ahayduma qunxa numuy taama elle aban inna aaxige waahiyya kinnuk, anu naharal bica kaah abeh sugam tayse» 'yaanam yucsubeh yeneeh; a bica naharal akah abem tohuk ten. Tohuk gexxaamah rabaamak dumal, Qari-bicsah faxxinta duyyek mangom aracal heeh suge.

1 Aydaad 22:9

Takkay immay toh iyyeemih qahdi yoh culeeh yok iyyeemih, ‹Lab-baxay baaxo amaanah xiinisu waahiyya xalettooh; too amaan anu innih kaah aceeyyo. Naqaboytiitik amaanah kaa xiiniseyyo. Migaq kaak Suleeman deqsitele. Kay dabaanal Israayil ummat carbi matablaay amaanah xiinele.

Ermiyaas 1:7

Takkay immay YALLI yok iyyeemih, ‹Qunxa num kinniyo 'yaanam maxcinay, koo elle ruuba mara fan gexettooh; anu kok axcem keenih warsetto.