1 Malikwa 3:1 - NABUWWA KEE MALIKWA

¹ Suleeman Masri-malikik-baxá rihimih abiteeh, qalla kaa'lih haysite. Yarusalaamal isi qari kee YALLIH Qibaadah-Qari xissa heeh, Yarusalaam magaalat gaso maroh haam fanah, Dawud-Caafat deqsita caafatal tet hee.

1 Malikwa 3:1 Referans Kwoze

1 Malikwa 9:24

Suleeman, Masri-malikih-baxáy ginnaaqot abbaxuk yenehiyya Yarusalaamal geytimta Dawud-Magaala yaaxigen caafatay duma elle sugtehiyyak tet kaleeh; teetih xise qaril tet hee. Sarrak magaalak ayrô-mawqa le kabut raqta baaxoy ramma luk sugtehiyya missoyse.

1 Malikwa 11:1

Suleeman gersi baaxoh agabuk mangom yikcine. Masri malikih baxá abiteeh, kalah kaadu Ciitaay Mooyabaay Qammonuy Edom kee Sayda deqsitak yen marih agabul digibe.

2 Aydaad 8:11

Suleeman, Masri-malikih-baxáy ginnaaqot abbaxuk yenehiyya Yarusalaamal geytimta Dawud-Magaalal yaaxigen caafatay duma elle sugtehiyyak tet kaleeh, teetih xise qaril tet hee. Too qarit tet hee saaku iyyeemih, «YALLIH Qahdih-Sandug elle sugte arooca taahirik tanik, tonna leemiik yi barra Malik Dawud elle suge qaril dabaaqah gactam mameqe» iyye.

1 Malikwa 6:1

Israayil-mari Masri cabeh yemeeteemih affara bool kee bacra tabanih liggidi tikkaay, Suleeman Israayil-marih-malik yekkeemih affara sanat tikka 'ye saakuy, alsak kaadu Diw deqsita alsay nammayhaytoh alsa kinnihiyyat yanin saaku, Suleeman Yallih Qibaadah-Qarih-xisne qimbise.

2 Samuwel 5:7

Dawuduh tu gactek, Siyon qalel sugte megdebwa keenik raaqiseeh; tohuk wadir migaaqah Dawud-Magaala deqsitte.

Qedra 5:11

«Too waqdi nek iyyeenimih, ‹Nanu qaran kee baaxoh abbah yan Dageltih naqoosa kinninooh, away xisnam dumaak xissiimeh suge Yallih Qibaadah-Qariiy; a duyye addal akak hayteeh kaa xissem, duma suge Israayil malikiy kaxxa massakaxxa luk sugehiyya.

2 Aydaad 18:1

Malik Yacoosafat gaddaliino kee migaq-gexxo geeh. Sarrakaa, isi buxah mara kee Israayil malikih yen Acab fanal rihim qaada elle abbaasitan gita bicse.

1 Aydaad 11:7

Dawud woo qalel sugte megdebwa le aracal buxah yeneeh; tonna-leemiik too aracak ‹Dawud Magaala› 'yaanam iyyen.

Qedra 9:14

Hay, taway, ku amri cinaanamat qagtaanam bictam kinnii? A maray umâ-yabulih tan taamat asahiyyak digibnam bictam kinnii? Ku amri cinne nee tekkek, ku kaxxa bagcarra nee aleelele. Nee baysettooh, addunyal saaboh num nek macabta.

1 Malikwa 2:10

Sarrak Dawud amrih rabeeh, Yarusalaamal geytimta Dawud-Magaalal yaaxigen caafatal kaa yoogoqen.

1 Malikwa 7:1

Suleeman isih kaadu qari xissiteeh; too-qarih-xisne taban kee sidooca sanat kaat faxxe.

1 Malikwa 7:8

Suleeman dabaaqah elle yan qari, cokmi elle aban qarik darre le kabut yeneeh; too qari-xisnek raqqa 'te qarwah innal xiseenih yenen. Isi barrah kaadu too bis le qari xiseh yen. Kay barra Masri-malikik baxak ten.

1 Malikwa 9:10

Suleeman YALLIH Qibaadah-Qari kee kay qari xisne labaatanni sanat kaak beyte.

1 Malikwa 9:1

Suleeman, YALLAH bicsam faxak suge Qibaadah-Qari kee, isi qari kee, kalah kaadu, bicsam faxak suggu 'yeemik gaba kalek sarra,