1 Malikwa 22:23 - NABUWWA KEE MALIKWA

²³ Miikayhu ellecabol yaabak af edde cabemii, «Taway tekkem tamaha. Ku nabuwwa diraabat yaabiseh; koh tu gactek, YALLI kol oobisu waa bala kol yuckumeh» kaak iyye.

1 Malikwa 22:23 Referans Kwoze

Yacedkel 14:9

«Nabuwwak tiyak teeni aylahitta 'yeh, akke waytaamat yaabe kaa tekkek, kaa aylahissem yoo kinnim ixiga. Tonnah yan nabi Israayil ummatih addak ayyaaqeyyo.

Yasaqya 44:20

Ballaaqet aben daacoh gide ikkal, tuxxiq lem hinna. Oson ceele-waytiy duquruk kalih mari edde ase waahiyyat asaanaah; ahak ken cataanam faxaanamah akak duude waan caddoh yemeeten. Ta mari ta ceeloy gabat loonuuh yaqbudeenihiyya yalla hinnam keenih matambulla.

Yasaqya 3:11

Woyyow, uma marat takku waytaama! Umam aba num bayeleeh; kullim kaat aamele. Sinaamal baahem kaal baahelon.

2 Aydaad 25:16

Yaabak fanat kaak radda 'yeh, too tiyak malik kaal gacseemihii, «Malikih fayu yecee num koo abtem iyyaay? Ahaysa yab eyseed; cintek, rabi gadda akketto» kaak iyye. Nabi fayuk kaak yeedeeh immay, qangara kaat heeh, iyyeemihii, «Ta saaku Yalli baati koh loowem ableh an. Toh elle ablemii, umaanek ta axxul lem abba hayteh, away yi fayu cintaamal kok ableh an» kaak iyye.

1 Malikwa 20:42

Sarrak woo nabi kaak iyyemii, «YALLI kok iyyamaa, ‹Atuu, anu raba akak faxa num yasillimay inteeh; tonna-leemik kay roocit isi rooci meklah aceettooh; kay marih roocit ku marih rooci meklele› kok iyyah yan» kaak iyye.

1 Malikwa 21:19

Too waqdi yooy YALLAH yani annah kaak axcem kaah waris. ‹Atu num qiddeh, kay midir isih haysitteh. Hununuh kuuta Nabot qabala elle muxuuqak sugte aracal, ku qabala kaadu muxuuqele› kaak inxic» iyye.

1 Malikwa 22:24

Tah yoobbe waqdi, Xidkiya deqsita nabi garih amma 'yeh xaban kaak yootokeeh, «YALLIH Roocaaniyya yoo cabteeh kot gactem maa saaku?» kaak iyye.

Makaabon 9:23

Tohuk lakal Yalli, Abimalik kee Seekem marih fanat tittin way ruubeeh; tohuk gexxaamah kaat makoyteenih.

Ermiyaas 18:11

Tonna'mmay taway, Yuuda kee Yarusalaam magaalal yan marak, anu siinik abu waamih malat aniih, sin digaaleyyo siinik iyye keenik inxic. Edde yanin dambiy kulli way abaanahiyyak uduura keenik inxic.