1 Malikwa 21:5 - NABUWWA KEE MALIKWA

⁵ Sarrak kay barra Idebal arac kaal culteh, kaak intemii, «A gide macah dannittaah maaqo macah cintaah?» kaak inte.

1 Malikwa 21:5 Referans Kwoze

Aster 4:5

Sarrak Hatak deqsita seelabu luk yen numuy malik tet farmoyta yakke'gidih doorehiyya Mordakay fanah rubteeh, « ‹Geytem macaay? A ceelot akah gactem maca kot tekke?› kaak inxica» inte.

Nacmiya 2:2

Too waqdi «A saaku maca geytee? Yambulle biyak way mantuk, litom maca faxe waynaanaay? Atu litom niyâ xiglo yot celta» yok iyye. Too waqdi warigga exceeh,

1 Malikwa 21:25

YALLIH garil, ahayduma Acab gide YALLI niqbaamat ase num mananna. Tohut inkih kaa asissem, nikaacat luk yen kay barrak ten. Tet migaq Idebalak ten.

1 Malikwa 19:2

Too waqdi is Eliyyasah farmo rubteeh kaak intemii, «Beera ta uddur atu nabuwwak abba haytem kok abe week, yallitte foyya yoo abtay» inte.

1 Malikwa 18:4

Idebal Yallih nabuwwa qidak ten saaku, Qobadya bool nabi beyya heeh namma kontomuh ken kurra heeh gablat yooqore numuk ten. Too nabuwwah makmok maaqabu tokke baahak yen.

1 Malikwa 16:31

Kaak dumal malikih suge Nabát-Yarobqam abak suge umaane kay garil inkinnah tuk masuginnaay, dambi abitto wohuk lafittam baahe. Etbaqal-deqsita-numuy Saydâ-marak-malikih yenehiyyak Idebal-deqsitta-baxá rihimih abite. Tohuk lakal Baqal akak iyyaanam diini-maleela Yallih aftok taqbudehiyyah qibaadat gace.

2 Samuwel 13:4

Qammih baxak iyyeemih, «Ale yaalo! Malik baxah tan way, kulli saaku cisab kol takkem macaay? Sugay tanim macaay? Yoh warisey» kaak iyye. Too waqdi Amnon, «Toh kinnim koh warisu waah, yi abbah baxa Absalaama lih ina kee abba le Tamaari deqsitta awkáh kacani yoo yibbixe» kaak iyye.

1 Malikwa 21:4

Acab too waqdi Nabot kaak iyyeemih naqabu kee danni luk buxa fan gexe. Gidaarat foocah gacca 'yeh qarkaytok bagul qaxah gace. Maaqo kaah baahen waqdi, wonnah yufkuneeh maaqo akme cineh.

1 Malikwa 21:6

Usuk teetik iyyemii, «Nabotuk, ‹Qinab caxah booxa kok xaamu waah; faxxek kaadu tet aftok gersi arac koh acayu waa› exceeh; yok cineeh; maaqo akah cinam tohih sabbata» iyye.