1 Malikwa 20:6 - NABUWWA KEE MALIKWA

⁶ Awayah tu gactek, woh lih kaadu, ku qari kee ku doolat-abbobtih-qarwah addat suginnaan duyyek aysinnaanim beytu wayta yi qaskarih abbobti ruubeyyo. Oson beera ta waqla sin fan amaatelon» 'yaanam farmoh kaah ruube.

1 Malikwa 20:6 Referans Kwoze

Ayyuqel 3:5

Yi dahab kee lakqo kee limo gibdi duyye beyya hayteenih isinni qibaadah qarwah addal hayten.

Hosiqa 13:15

Israayil ummat away wir intam celtaamah; ayrô-mawqa le kabuk bacarih tan baaxok ruubu waa laqin caacay ken kafsele. Too caacay buyyitte kee qelwa keenik kafsele. Keenit muquk sugtem inkih beele.

Ermiyaas 25:34

Baaxoh abbobtih yan maraw, weeqa boogisa. Rookitaay gombod bagul ubruka. Sin edde yasguudoonu waan uddur yemeeteh. Yasguuden maruwih innah maasayya maasayyah sin kuramkurelon.

Yasaqya 44:9

Yallih aftoh yaqbuden duyye bicsa mari foyyâ-mara. Oson kaxxam ruffu edde iyyan duyye tuxxiq sinniimi. A duyyeh sumaaqita mari, tu aaxige waah tu'mabul sinni mara kinnon. Tonna-leemik tahamat wacarriye lon.

2 Samuwel 24:14

Too waqdi Dawud iyyeemih, «Anu taway tu edde ceda caalatat anih maana'mmay, sahda yoo digaaltaamak YALLI isi gabat yoo digalsitay. Toh akah axcem, kaxxa racmatta le Dagelta kinnim kaak aaxigeemih axce» iyye.

1 Malikwa 20:5

Sarrak kaadu farmô-mari Malik-Banihadadak Malik-Acabah gersi farmo baahen. Iyyeenimii, «Ama lito lakqo kee dahabaay, agabu kee xaylo yoh rub 'yaanam kok exceh suge.

1 Malikwa 20:7

Malik-Acab too waqdi baaxoh-abbobtih inkih kaayya 'yeh keenik iyyemii, «A num nee bayisam faxam tableenii! ‹Ku agabu kee ku xaylooy lito lakqo kee dahab inkih yoh rub› 'yaanamih farmo yoh ruubeeh; woh kaah oggoleh suge» iyye.