1 Malikwa 2:4 - NABUWWA KEE MALIKWA

⁴ YALLI yok iyyeemih, ‹Ku ramad anu aba axcem baguuk agaagul sinnim abeenik, Israayil amoytit ken abeyyoomuh qahdi koh cula› 'yaanam yok iyyeh yan. Tonna kinnuk atu kay amri oggoltek, YALLI too qahdi koh duudusele» kaak iyye.

1 Malikwa 2:4 Referans Kwoze

2 Malikwa 20:3

Dooqah iyyemii, «YALLAW, inni bagu kee afqadook ku qibaada kee ku taamat sugem atu yok taaxigeh. Ku garil meqem abittoh yok orobtaamat asak suge» 'yaanam dooqah inxicca 'yeeh, namma intik kaxxa ximo kaak akah caxitte weeqah weeqe.

1 Malikwa 8:25

Taway YALLAW, Israayil ummatta doore Dageltaw, duma yi abbak koh duudusseyyo inteemik inki tiyay raqtehiyya tan. Tohumuu, ‹Kok radu waa mari, atu akah abte innah, anu aba excem dudda luk abe ken tekkek, tonnal ku reeda baxak baxal raqta reeda akkele› 'yaanam inteh ten.

2 Samuwel 7:25

«Dagelta kinni YALLAW, yooy ku naqasu kinni kee yi marah culte xagana xagur. Abeyyo intem neh ab.

Zakariyya 14:2

YALLI Yarusalaamat qeebi abaana'gidih doolatwa inkih gaabossu heeh, baahele. Yarusalaam carbit abbixelon. Qarwat sugga 'te duyye buubelon. Agabu cayliselon. Ummatak garab seewah beelon. Garab magaalal elle cabelon.

2 Aydaad 17:3

Yacoosafat isi abba qimbol kataatak suge Yallih gita kataata num yekkeeh, Baqal migaq leemiy sahda aqbuduk sugehiyya maqbudinna. Tohuk gexxaamah YALLI barkat kaat hee.

1 Aydaad 28:9

Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.

2 Malikwa 23:25

Kaak duma kay inna le malikiy Yalli-Muusal-oobise-kitab inxicca 'yam inkih abahiyya masuginnaay; usuk dudda haam kee niyak elli haamak isi Dagelta yuqbude. Kay lakal kaadu kay inna le malik magacinna.

2 Malikwa 23:3

Sarrak malik elle soola qamiddih garil solla 'yeh, «YALLIH amri oggoluh, Yalla kee xagana culah an. Too kitaabal elle enna 'ta innal, YALLIH xinto kee amri inni afqado kee dudda haamal abeyyo» 'yaanam axcuk qahdi cule. Inkih tan ummatta kay lakal xagana culte.

1 Malikwa 9:5

anuy ku abbak ‹Ku reeda baxak baxal raaqeleeh ku nasab Israayil ummattak abbobti akkele› 'yaanam exceh sugeeh; tohim kaak elle inxicca exce'nnal duuduseyyo.

1 Malikwa 8:23

Dooqah iyyeemih, «YALLAW, Israayil ummatta doore Dageltaw, kok sa qaran kee baaxol Yalli mayana. Baguuk koo taqbude ku naqoosah litoh tan kacni akak amurruqe waa Dagelta kinnitooh; keenih culte xagana duudusa Dagelta kinnito.

1 Malikwa 3:14

Toh lih kaadu, ku-abba-Dawud akah abak suge innah, anu-kok-aba-axcem abteeh yi xinto kee yi amri inkih tugdubek, qumri kok ayxeereyyo» 'yaanam kaak iyye.

1 Malikwa 3:3

Suleeman YALLA kicinuk yeneeh, isi-abbah-raat kataatak yen. Takkay immay too qibaada elle aban aroocay fayyat raqtahiyyal sadgatah saq qidak yeneh, qaydarus kaadu sadgatah qeerisak yen.

2 Aydaad 6:16

Taway YALLAW, Israayil ummatta doore Dageltaw, duma yi abbak koh duudusseyyo inteemik inki tiyay raqtehiyya tan. Tohumuu, ‹Kok radu waa mari, atu akah abte innah, anu aba excem dudda luk abe ken tekkek, tonnal ku reeda baxak baxal raqta reeda akkele› 'yaanam inteh ten.

2 Aydaad 7:18

ku abbak, ‹Ku reeda baxak baxal raaqeleeh; ku nasab Israayil ummattak abbobti akkele› 'yaanam exceh sugeeh; tohim kaak elle inxicca exce'nnal duuduseyyo.

Ermiyaas 33:17

Macaay inteenik, kulli way Dawuduk rade marak numuk teena Israayil marih malik abeyyoomuh xagana siinih cula. Tahat yabtam yoo YALLA.

1 Malikwa 1:48

sarrak dooqa abe. Dooqah iyyemii, ‹YALLAY Israayil doore Dagelta kinni faylisnay. Kaay anu addunyâ-bagul anih, yi sammok yooboke yi baxa yi lakal malik akkih abali yoo heehiyyah fayla taafay› 'yaanam iyye» keenik iyye.

1 Malikwa 6:12

«Anu siinih oobise xinto kee amri oggoltek, a qariy atu away xissahiyyah giddinaamak ku abbah cule xagana duuduseyyo.

1 Malikwa 11:36

Yoo elle yaqbudoonuh anu innih doore Yarusalaam magaalal, sarrî dabaanal Dawud ramadak numuk teeni abba yakke'gidih, Suleeman baxah inki kedo cabeyyo.