1 Malikwa 19:16 - NABUWWA KEE MALIKWA

¹⁶ Nimsi-baxa-Yaahu kaadu, Israayil-malik akah yakke innah, kaa uskut. Aabil-Macoola deqsitta magaalal yan Saafat-baxa-Eliisaq kaadu, ku lakal nabi akah yakke'nnah, kaa uskut.

1 Malikwa 19:16 Referans Kwoze

2 Malikwa 2:15

Yerikô-magaalal ten kontom takke nabuwwa tekkem tuble waqdi, «Eliyyas luk yen qande Eliisaqah raqteh tan» iyyen. Too waqdi kaat yangooroweeni'gidih, kaal yemeeteeniih, foocal kaak gommoh raden.

2 Malikwa 2:9

Tokkel Eliyyas Eliisaqak iyyemii, «Yoo beyaanamak dumal, maca koh abam faxxaa?» kaak iyye. Eliisaq kaal gacsemii, «Yalli koh yecee roocaaniyyak aki nabuwwah teceemik, namma gide yoh ucuy» kaak iyye.

1 Malikwa 4:12

Aciilúd-Baqna kaadu Taqnak kee Magiddo deqsitta magaalooli kee Beet-Saqan garil enna 'ta baaxok abbah yen. Beet-Saqan deqsitta baaxo, Yidraqel magaalak xayi tan Xartan deqsitta magaalak xabba haanamaay Aabil-Macoola magaala kee Yokmaqam magaalah amma 'yaanam tan baaxo.

Makaabon 7:22

Gidqoon mari yakkeemiik sidiica boolih baanta yoogoren waqdi, YALLI, Miidiyan mara qeebi tittat ken yuyfukuneeh, seefit titta qiden. Too mari tokkeek aben kudmah, Dareeda deqsita rasuk Beet-Sitta deqsitta magaala kee, Aabil-Macoola deqsitta magaala dariifal tan baaxoy Tabaaqot deqsitta magaalat xayuk raqtahiyya fan yoowwen.

1 Samuwel 18:19

Takkay immay Saawuluu, Dawuduk, Meerab rihimih koh abeyyo edde iyye waktit, kaa hinna'mmay, Mecuyaal deqsitta baaxok yemeete Qadriyel deqsita numuh tet abe.

2 Samuwel 21:8

Armooni kee Mafiboset deqsitta labhay Saawul Ayyâ-baxá Rixfa deqsitta barrat xalehiyya kee, Saawul baxáy Meerab deqsitak tenehiyyah koona baxa beyya heeh gabal keenik hee. Meerab a koona baxa akah xaltem, Bardilláy-Qadriyel deqsita numuk ten. Woo num elle yoobokem, Macoola deqsita araca.

1 Malikwa 1:34

Tokkel isin sek Saaduk kee nabi Naatanak, Israayil malik yakke'gidih, kaa uskuta. Tohuk gaba kaltan waqdi, *baanta uguraay anay fayya haay, ‹Malik Suleeman ani haay! Malik Suleeman ani haay!› inxica.

2 Malikwa 2:1

YALLI, Eliyyas mermerita caacayih addat qaran edde yayyaaqu waa wakti xayyooweh. Eliyyas kee Eliisaq Gilgal magaalak tewqeeh,