1 Malikwa 19:11 - NABUWWA KEE MALIKWA

¹¹ YALLI too waqdi kaak iyyemii, «Wokkek tatre koo sugu waak, eweqay foocal yok sol» kaak iyye. Sarrak YALLI wokkek tatram fan naharat kaxxa caacoy qaleela baqaaqissaah xeet taggiggilehiyya ruube. Takkay immay YALLI too caacoh addat mananna. Woo caaco solteeh, sarrak baaxoh angoyyi yekke. Takkay immay YALLI woo baaxoh-angoyyih addat mananna.

1 Malikwa 19:11 Referans Kwoze

Yacedkel 1:4

Amo iroh fayya hee waqdi, kaxxa caaco kilbat le kabuk amaatih uble. Kaxxa qamburreh addat cankaxay bixiq iyya uble. Cankaxi bixiq elle iyya'kkel, nacaas innah tanim ifah uble.

Yasaqya 30:30

YALLI, isi xongoloy kaxxa nabna lehiyya akah tantaabbe innah abele. Kay bagcarra qandek leh gide ablelon. Yallih-cayli habug inta giraay; kaxxa rob kee kaxxa caaco kee, tonnah kaadu, kaxxa arroqleh gurral amaatele.

Yacedkel 37:7

Anu too waqdi YALLI yok elle iyye'nnal, too lafoofi lih takku waytaamat yaabe. Too yaabat an waqdi, sasac intaamih anay yol rade. Too waqdi lafoofi tittat xakbinte.

Zakariyya 4:6

Too waqdi woo malaykatti Darabbabelih warsa'gidih, YALLI ruube farmo yol ruube. «Darabbabelow, abba hannaanim gabal kok bicele. Takkay immay toh, qeebit geytu waytam hinnaay, isi qandet geytu waytam hinna; anu koh acayu waa yi roocaaniyyak geytu waytaama. Toh intam yoo YALLAY Nabaamak Nabahiyya.

Naacum 1:3

YALLI giffa 'ta qande le'mmay, tohuh dagoomut mabagcarrita. Takkay immay umaane aba mara digaale'kal macaba. Isih elle gexa kabul caacay kee caaco ugusa. Siisa sahdah ibat elle ugutta'nnal, qamburre kay ibih gubat ugutta.

Zakariyya 14:5

Too ayro isin, ta daqaaray namma qalek fan gexak Aaxal deqsita arac gufahiyyak addah gacca 'teenih asillimetton. Sin kaxxa abbobti malik Quddiyya deqsita num Yuudâ-rasul malikih yen saakuy baaxo tengeyyehiyya elle tisillime innal asillimetton. Too waqdi YALLAY yi Dagelta kinni isi malaykoota inkih gabat luk akke fanah amaatele.

1 Samuwel 14:15

Barril yanoonuu, carbi booxal yanoonu, *Filistiin qaskaray qarwat sugtet kaadu cunxoh axaxo keenit hayte. Tohut yanin waqdi baaxo edde tengeyyeh. Too saaku too marat Yalli badit kee meysi ruube.