1 Malikwa 18:42 - NABUWWA KEE MALIKWA

⁴² Acab maaqo xaga'gidih gexe waqdi, Eliyyas Karmel qaleh amo yewqe. Tokkel qununna 'yeh moyya isik namma gulubih fanat hayya heeh,

1 Malikwa 18:42 Referans Kwoze

Daaniyel 9:7

Goytaw, atu kulli way cakkik tanim abta. Neh tu gactek, nanu kulli way qaybih aninnaanim ninnil bahna. Neey Yuudah yooboke mara kee Yarusalaam mara kee, tonnah kaadu, inkih yan Israayil maray xayi'kke kee xer ikkel yanihiyyay ko'luk yen imaan cabeemih sabbatah atu baaxot fixixih rubtehiyyak inkih, qaybit radnam numma.

Daaniyel 9:3

Too waqdi dooqa abeh, Yalla kallace. *Qabuddat sartanah gaccaay soomuh assa exceh, gomboduk addat daffa exce. Sarra abne umaanet yaabeeh, Yallay yi Dagelta kinnihiyya kallace. Exceemih, «Goytaw, atu naba Dagelta kinnito; nanu kok meysinnah. Koo kicna mara kee ku amri oggola mara lih abe bica xagura Dagelta kinnito. Woo mara lih lito kacni mayambaxa.

Yasaqya 38:2

Toh yoobbe waqdi, Ciskiyyaahu foocah gidaarat ufkunna 'yeh dooqa abe.

Qedra 9:6

Too waqdi dooqah exceemih, «Yi Dageltaw, wacarriye waytam yoo ikkal, ni dambi mangah caddo cabeeh xexxaarah qaran eleele. Tonna kinnuk, yi Dageltaw, koo kallacam wacarriy yol tekke.

1 Malikwa 19:13

Eliyyas a anay yoobbe waqdi, fooca sarot isik qellissa heeh, edde suge gablak afah yewqe. Sarrak gablak afal soole. A anay, «Eliyyasow, ama'kkel maca abtah?» kaak iyye.

2 Samuwel 12:16

Too waqdi Dawud, baxi kaah qaffoota'gidih, Yalla kallace. Maaqo afah xagu cineeh, kulli bar isi qari culla 'yeh qarik baaxal deerih gacca 'yeh, elle maaca fan sugak yen.

Yoosuwa 7:6

Too waqdi Yoosuwa abeh yan wariggah sara isik qanxiseeh; YALLIH Qahdih-Sanduguk foocal gommoh rade. Israayil makaabon kaadu toh abteeh; tokkel aben arka yaybulleeni'gidih amol siisa luk magrib tikki 'yam fan gommoh sugen.

Yasaqya 6:2

Kaak daga rooci leemiy hadig intahiyya haadak ten. Wohimik kulli tii lica gali luk yen. Keenik kulli tii kaadu fooca namma galit isik qellisak yen. Ibitte kaadu namma galit isik qellisak yeneeh, raaqa namma galit haadah ken uble.

1 Malikwa 18:41

Tohuk gaba kale waqdi, Eliyyas Malik Acabak iyyemii, «Ahaysa gexay maaqo xag; roobuk angad aabbeh anik» iyye.

1 Malikwa 18:43

kaa'lih yan kay taamat yan numuk, «Gexay bad fan wagit» iyye. Taamâ-num gexeeh yuduure waqdi, «Tu maballiyo» axcuk yuduure. Eliyyas malcina adda qagamqagisak, «Gexay wagitay am» kaak iyye.

Ermiyaas 46:18

«Malik akak 'yaanam, yoo YALLAY Nabaamak Nabahiyya. Waara Yalli yoo immay siinik axcemii: Taabor qale qaleelak xeeruk elle raqtaah, Karmel qale kaadu badak fayya luk elle raqta'nnah, siinit carbi aba numih qande kulsah too bis luk siinik raaqele.

1 Samuwel 12:18

Tohuk lakal Samuwel YALLA kallaceeh, too ayrot edde YALLI kakkaqo kee rob ruube. Too waqdi ummatta inkih YALLA kee Samuwelik meysitteh.