1 Malikwa 18:3 - NABUWWA KEE MALIKWA

³ Tonna-leemik Acab, Qobadya-deqsita-numuy malik-qarih-abbah yenehiyyah seece. Qobadya YALLIH meysi xagarat le numuk ten.

1 Malikwa 18:3 Referans Kwoze

Nacmiya 7:2

Tohuk lakal anu Yarusalaam magaalah adda xiinisu waa namma num xintoh abbah hee. Too namma numuk tiyak teeni, yi toobokoyta Canaanik ten. Akitti kaadu megdebik abbah yen Cananya deqsita numuk ten. Cananya imaan digga kee Yallih meysih kay innah yan num mananna.

1 Malikwa 16:9

Dimri deqsita numuy malik luk yen faras-gaariirak garabak abbah yenehiyya kaa qidaamih malat gace. Ayrok teena Eela, Tirxâ-magaalal Axxa deqsita numuy malik-qarih abbah yenehiyya'lih, woo numih qaril kamri-maqabat yiskirem kaak yuble waqdi,

Malaaki 3:16

YALLIH meysi le maray kaa yaynabehiyya ahamat titta lih yaabeeh; YALLI ken yab ankaciseh, ken yab yoobbeh. Tohuk gexxaamah Yallih garil too marih migaq Yalli kassitih maktuubuk yabbixe.

Nacmiya 5:15

Yok duma sugte abbobti ummattal kaxxa quuka hayteh teneeh; maaqo kee qinab kamri keenik beenih, wohuk amol fula ummattak ayrol morootom garsi beyak sugen. Keenik gubal taamita mari kinni way ummatat umuk sugen. Anu Yallih meysi luk eneeh, ken innah yan numuk mananniyo.

2 Malikwa 4:1

Butta takke nabuwwak numuk teenah yen nabik raqte gubna Eliisaq fan temeeteeh kaak inteemih, «Yallih numow, baqli yok rabeh; yi baqli akah taaxige innah, YALLIH meysi le numuk ten. Duma magoh maalu akak beeh suge num, woo magoh aftok, lab-xayloh nammay yok naqoosannuh beyam faxa» inte.

1 Malikwa 18:12

Anu akkek gexa waqdiik, YALLIH *Roocaaniyya beyya koo hayteh, aaxige waan baaxol koo qiddek, maca abeyyo? Atu akkel tanim kaah warissa heeh akkel koo week, raba yol ackumele. Anu awkah en saakuuy a saaku fanah YALLIH qibaadat yan num kinniyo.

1 Malikwa 18:2

Eliyyas malikih yambullee'gidih gexe. Samaariyal ibak-gibdi qulul radeh yan.