1 Malikwa 17:14 - NABUWWA KEE MALIKWA

¹⁴ Woh akah axcem, YALLAY Israayil doore Dageltah yanihiyya iyyamaa, ‹Anu rob edde ruubu waa ayrok naharat, sacni addal yan bulul mayambaxaay, gaani addal yan zeyti (saliid) mayambaxak› iyyeh, macisabbootin» 'yaanam teetik iyye.

1 Malikwa 17:14 Referans Kwoze

2 Malikwa 7:1

Eliisaq kaak iyyemii, «YALLI iyyam oobbey. Beera ta waqla kamadik sidooca-kiilo Samaariyah-magaalat maroh tan gasok culmal, lakqok inki-garsit xaametton. Gabru deqsitta darok kaadu lica-kiilo lakqok inki-garsit xaametton» iyye.

2 Malikwa 3:16

Too waqdi keenik iyyemii, «YALLI siinik iyyam aha. A daqaarih addal boodoodak mangom daga.

2 Malikwa 9:6

Tohuk lakal nammayak qari adda culeeniih; woo furraynuh yan nabi woo caxâ xaylok bicsan zeyti Yaahu amol caxeeh, kaak iyyeemih, «YALLAY Israayil doore Dageltah yanihiyya, ‹Israayil-maray yim kinnihiyyah malik takke'gidih koo askute› iyyah yan.

1 Malikwa 17:4

Lee woo buyyik aaqubettooh; maaqo kuranwak, koh baaha exceh aniih, kuranwa koh baahele» kaak iyye.

1 Malikwa 17:13

Too waqdi Eliyyas teetik iyyemii, «Wohuh macisabbootinay bicissam faxak sugte maaqo bicis. Takkay immay naharak yoh ama-litoomuk qunxa gaqamboytâ-baxa bicisaay; raqteemit is kee isi baxah gaqambo bicis.

1 Malikwa 17:15

Too waqdi too gubna gexxa 'teeh Eliyyas teetik ab iyyem abte. Tohuk wadir kulli ayro, kaa kee teetiiy tet buxah mara dudda hayta maaqo luk yenen.