1 Malikwa 16:26 - NABUWWA KEE MALIKWA

²⁶ Kaak naharat malikih suge Nabát-Yarobqamak kaxxih abak suggu 'yem abeeh; Israayil mara xeet kee coox qibaadat asise. Tonnal YALLAY Israayil doore Dagelta kinnihiyyat naqabu culse.

1 Malikwa 16:26 Referans Kwoze

1 Malikwa 16:19

Too rabah akah rabem, isih abe dambi. Yarobqamay Israayil ummat dambit asisak sugehiyyah gita kataatak sugeeh, YALLIH garil dambi lem baahe.

1 Malikwa 16:13

YALLI annah tanim kaa kee kay buxah maral akah baahemii, Baqsa kee kay baxay Eela deqsite bahte dambih sabbata. Oson xeet kee coox aqbuduk sugeeniih, Israayil ummat kaadu dambit asisak sugeeniih, YALLAY Israayil doore Dagelta kinnihiyyah naqabu isinnil oobisen.

Ermiyaas 18:15

Yi mari yoo cabba heeh tu xiqe sinni gabak bicsen duyyey yallah loonuh qaydarus ruuban. Meqe gitay kataate raareenihiyyak, too duyyeh qibaaday edde yaniini ken raaqisseeh, makot ken beyte. Ken kaxxa abbobti kataatak sugte gita cabba heenih, makot yan gitat gexaanam dooriten.

Ermiyaas 16:19

Too waqdi anu excemii, «YALLAW, qande yot haytam koo. Umaanek reebu yoh takkem koo; gadaamak eleelitam koo. Baadal tan ummatta baaxô-maggaraqak koo fanah amaateleeh, ‹Ni kaxxa abbobti tu xiqe sinni xeet kee cooxuk bicsen duyyey yalla 'yeenih yaqbudeenihiyyak sah gabat midirih tu luk masuginnon.

Ermiyaas 14:22

Faxe baaxoh mari yalla axcuk yaqbuden duyye rob mabahta. Qaran isih baaha rob mali. Ah abtu duddam koo kinnuk, niya elle linom, kooy ni Dagelta kinnihiyya» iyyen.

Ermiyaas 10:8

Yakkeenimik inkih duquuraay; hawri akak gexe mara kinnon. Cooxuk bicsen duyyey yaqbudeenihiyya tu ken barissu madudda.

Ermiyaas 10:3

Macaay inteenik, a marih diini foyyâ-diini. Garboh addak caxa irgiqqa haanaah too caxa coox-ora-numul yaceen. Too num too caxa orra haah bicissa heek lakal, dahab kee lakqok bilan. Sarrak radaamak bismaarat aracak teenat daabisan.

Ermiyaas 8:19

Inkih tan baaxol inni marak weeqa aabbek, ankacca haay! ‹YALLI Siyoonul mayana'nnaa?› iyyan. ‹Siyon malik Siyoonul mayana'nnaa?› 'yaanam axcih ken aabbe. Ken malikiy YALLA kinni tohuk iyyaamah; ‹Hebeltoh im xiqe sinni duyyeeyay sinam aqbudih tubleenihiyya taqbudeenim bahten. Tohuk gexxaamah yot naqabu culussen› 'yaanam axcih kaa aabbe.

1 Malikwa 16:7

Too farmo YALLI, nabi-Yaahû-gabat Baqsah akah ruubeemik naharsitto: YALLIH garil uma taamat asakaay, YALLIH naqabu isil oobisak sugeemih sabbata. Tonnal Yarobqam abak suggu 'ye umaane abak suge. Nammayhaak kaadu, YALLI a bis le umaane kaal akah baaheemik sabab, Yarobqam-buxah-mara qideeh saabo ken cabsiise.

1 Malikwa 16:2

Nabi-Yaahu, too farmo kaal qideeh kaak iyyeemih, «YALLI kok iyyemii, ‹Tu'numuh masuginnitooy; inkih tan Israayil ummattay yi ummat kinnik abba koo abe. Tonna'mmay Yarobqamak kaxxih dambi le taamat asseeh, Israayil ummat dambi le taamat asisse. Oson aban dambih yot naqbi haak suge.

1 Malikwa 16:27

Tohuk kalah taniimiy Qomri abehiyya kee abinak edde assa 'yem Israayil-Malikwah-Aydaada deqsita kitaabih addal tan.

Miika 6:16

Tah akah takku waytam, Malik Qomri kee kay baxa Malik Acab abak sugte uma-taamah amo tibbixeenimih sabbata. Tohuk gexxaamah sin bayseyyo. Sahda inkih sin ilaaqele. Kulli baaxoh mari qunxa intit sin ablele» iyye.