1 Malikwa 16:18 - NABUWWA KEE MALIKWA

¹⁸ Dimri, magaala yibbixeenim yuble waqdi, malik elle gaca qarik iqiyat edde rebsiman golit culeeh qarit gira ruube. Too girat carareh edde rabe.

1 Malikwa 16:18 Referans Kwoze

2 Samuwel 17:23

Acitoofal kay fayu oggole weenim yuble waqdi, isi dananal koori hayya heeh, isi magaala yuduure. Isi buxal, buxah addah caagid bicseek lakal, ogot is qide. Sarrak magaqah kay buxah mara edde haak sugen aracat kaa heen.

Makaabon 9:54

Too waqdi kay silac abbaxuk suge furraynuh sissikuk secca 'yeeh, «Barra kaa qidde 'yaanamih migaq innit macabak, ama tabbixe seefit yoo qid» kaak iyye. Taaxige furraynii, xagarat kaak seef heeh kaa qide.

1 Malikwa 16:17

Sarrak Qomri kee kay qaskar Gibbaton cabteh gexxeeh, Tirxâ magaalat maro heen.

2 Malikwa 15:25

Ayrok teena Fekacya-qaskar-abbobtik numuk teenah yen Fekac deqsita num, kontom numuy Gilqad-rasuk temeetehiyya wakalih haysitta heeh, Fekacya Samaariyah addal malik qarik iqiyal edde rebsiman golik addal yan waqdi, amma 'yeenih, kaa kee gersi namma numuy Argob kee Ariye deqsittehiyya qiden. Tohuk lakal Fekac kay aracal isih malik yekke. Fekac Ramalyaahû-baxak ten.

2 Malikwa 9:31

Yaahu gasoh afaak yemeete waqdi, «Biili baqalaw, duma Dimri akah qide innah biilu bahtehik, away maca wayta?» kaak inte.