1 Malikwa 15:9 - NABUWWA KEE MALIKWA

⁹ Israayil malikih yen Yarobqam malik yekkeemih labaatanni sanat yekkek sarra, Aasa Yuudak malik yekke.

1 Malikwa 15:9 Referans Kwoze

1 Malikwa 15:8

Abiyya elle rabeeh elle yamoogoqem, Yarusalaam magaalak Dawud-Magaala deqsita caafata. Kay baxay migaaqah Aasa deqsitak yenehiyya kay lakal malik yekke.

1 Malikwa 15:10

Aasa morootom kee inki sanat Yarusalaamal malikih suge. Kay aboyya migaaqah Maqka deqsitak teneeh abbak Abisalaam baxak ten.

2 Aydaad 13:20

Yarobqam tohuk wadir Abiyya malikih suggu 'yem fanah, luk suge milki luk maraaqinna. Sarrak YALLI uma rabah kaa qide.

2 Aydaad 14:1

Malik Abiyya rabe saaku, Dawud-Magaala deqsita caafatal kaa yoogoqen. Kay baxi kay lakal malik yekkeeh; migaaqah Aasa deqsitak yen. Malik Aasa malikih suge tabna sanatih addat kay baaxo amaanah xiinak sugte.

2 Aydaad 15:8

Aasa a nabi edde yaabe yab yoobbe waqdi, niya kaat gacteeh; tonna-leemiik Efrayim rasuk qaleela le aracal tan magaalooliy qeebit yibbixe kee, Yuuda kee Benyam rasul sugga 'te duyyeeyay gabak bicissa heenih aqbuduk sugeenihiyya wonnah baaxot qide. Sarrak YALLIH Qibaadah-Qarih daaratal suge mansafay YALLIH sadgatah saqa elle asguuduk sugeenihiyya yuqusbuuse.