1 Malikwa 15:3 - NABUWWA KEE MALIKWA

³ Usuk isi-abba-edde-asak-suge-dambit kaak kaxxih aseh sugeeh, YALLAY kay Dagelta kinnihiyyah garil yeemene numuk mananna. Akak rade Dawud bis le numuk mananna.

1 Malikwa 15:3 Referans Kwoze

1 Malikwa 11:4

Suleeman idoolite saaku, kay agbi YALLAY kay Dagelta kinnihiyyak kalah kaadu akiimiy Yallih innah yaqbudeeni ken lih yaqbudem kaal esseren. Tokkel usuk YALLAL luk suge imaanat sakki kaak cule. Kay abba Dawud elle suge gitak hoxxiimeh.

1 Malikwa 3:14

Toh lih kaadu, ku-abba-Dawud akah abak suge innah, anu-kok-aba-axcem abteeh yi xinto kee yi amri inkih tugdubek, qumri kok ayxeereyyo» 'yaanam kaak iyye.

2 Malikwa 20:3

Dooqah iyyemii, «YALLAW, inni bagu kee afqadook ku qibaada kee ku taamat sugem atu yok taaxigeh. Ku garil meqem abittoh yok orobtaamat asak suge» 'yaanam dooqah inxicca 'yeeh, namma intik kaxxa ximo kaak akah caxitte weeqah weeqe.

1 Malikwa 11:33

Toh kaal akah baahu waam, Suleeman yoo cinna heeh gersi baaxoh mari yaqbude duyye yaqbudem baaheeh; yoo yaqbudem cabba hee. Qastarot deqsittaamay Saydâ marih say yalla axcuk too mari yi aftok yaqbudehiyya kee, Mooyab mari yaqbude Kamos deqsittaamay Mooyab mari kaadu yallah lehiyya kee, Milkom akak iyyaanamay Qammon mari yallah lehiyya yaqbudeemit gace. Kay abba Dawud yi gita katayak yeneeh, anu oobise xinto kee amri oggolak sugeh immay, usuk oggolaanam cineh. Suleeman yi gita cabba heeh ceele waytut ase.

2 Aydaad 25:2

YALLI kicna taamah taamitak yene'mmay, baguuk abak mananna.

1 Malikwa 15:14

Aasa kaak duma sugga 'te qibaada elle aban aroocay fayyat raqtahiyya inkih mabaysinna'mmay, YALLAL le imaan kaak digga luk yeneeh, rabba 'yam fanah imaan kaak digga luk suge.

1 Samuwel 25:28

Anu baahe qellat eellek, qafu yoh ab. Atu abtam YALLI kok aba iyye carbi kinniimih sabbatah, koo kee kok raddem inkih malikwa akketton. Addunyâ bagul tanim fanah, umaane elle geytinta num akke koo kalay.

1 Malikwa 3:3

Suleeman YALLA kicinuk yeneeh, isi-abbah-raat kataatak yen. Takkay immay too qibaada elle aban aroocay fayyat raqtahiyyal sadgatah saq qidak yeneh, qaydarus kaadu sadgatah qeerisak yen.