1 Malikwa 15:11 - NABUWWA KEE MALIKWA

¹¹ Aasa kay kaxxa abba Dawuduk kaxxih, YALLI kicnam abak yen.

1 Malikwa 15:11 Referans Kwoze

2 Aydaad 14:2

Aasa YALLAY kay Dagelta kinnihiyya kicnam abakaay cakki gitat gexa malikik ten.

2 Aydaad 15:17

Israayil baaxol kaak duma sugga 'te qibaada elle aban aroocay fayyat raqtahiyya inkih mabaysinna'mmay, addunyal sugem fanah, YALLAL leh yan imaan digga kaak luk yen.

2 Aydaad 14:11

Tokkel qeebi radaamak dumal, Aasa YALLAY isi Dagelta kinnihiyya fan dooqa abeeh; dooqah iyyeemih, «YALLAW, boola-le-qaskar cayla-le-qaskarak qeebil taysiisem koo. Nanu, ni Dageltaw, kibaalah linom koo kinnuk, a gid takke qaskaray loowo sinnihiyyat qeebi abna'gidih ku migaaqal ugunneh nan. YALLAW, nee cat; nee doortem koo. Kok taysem matana» iyye.

1 Malikwa 15:3

Usuk isi-abba-edde-asak-suge-dambit kaak kaxxih aseh sugeeh, YALLAY kay Dagelta kinnihiyyah garil yeemene numuk mananna. Akak rade Dawud bis le numuk mananna.

1 Malikwa 15:12

Xiiqareh-xiinak lab-maray coox-kee-xeet elle yaqbuden aroocal sugehiyya wokkek xiiriyeeh; kaak duma suge mari heeh suge gabak bicsen duyyey aqbuduk sugeenihiyya bayseh.

1 Malikwa 3:3

Suleeman YALLA kicinuk yeneeh, isi-abbah-raat kataatak yen. Takkay immay too qibaada elle aban aroocay fayyat raqtahiyyal sadgatah saq qidak yeneh, qaydarus kaadu sadgatah qeerisak yen.

1 Malikwa 22:43

Kay abba Aasak kaxxih YALLIH garil cakkik tan taamah taamitak yen. Tonna'mmay diini-maleela elle taqbude arooca kay dabaanal baateh mananna. Ummatta tokkel sadgat abaanam kee qerto ruubaanam cabteh mananna.

2 Malikwa 12:3

Tonna'mmay dumaak qibaada elle abak sugen aroocay fayyat raqtahiyya baateh manannaay; tonna-leemiik ummat woo aroocal sadgat abaanam kee qerto ruubaanam macabinnon.

2 Malikwa 14:3

Amaxya YALLI kicna taamah taamitak yene'mmay, Yalli yeyyeeqe xinto kee amri, akak rade Dawud elle oggolak yen innal, moggolinna. Isi abba-Yooqas-raatat gexak suge.

2 Malikwa 15:3

Quddiyya isi abbah raatat gexak, YALLI kicna taamah taamitak yen.

2 Malikwa 18:3

Usuk isi kaxxa abba Malik Dawuduk kaxxih, YALLI kicna taamat asak yen.

2 Malikwa 22:2

Yoosiyaahu YALLI kicna taama abak yen. Isi kaxxa abba Dawuduk kaxxih, Yallih gita kataatak yeneeh, agaagul sinnim Yallih xinto intam abak yen.

2 Aydaad 14:1

Malik Abiyya rabe saaku, Dawud-Magaala deqsita caafatal kaa yoogoqen. Kay baxi kay lakal malik yekkeeh; migaaqah Aasa deqsitak yen. Malik Aasa malikih suge tabna sanatih addat kay baaxo amaanah xiinak sugte.

2 Aydaad 20:32

Kay abba Aasak kaxxih, YALLIH garil cakkik tan taamah taamitak yen.